Sakari 4:6 - BII BILA

⁶ Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Sakari 4:6 Referans Kwoze

Condii lisai 33:16

O co le vanaa cɔvaa sɛ́lɛ́a le masaa sɔla cindaa le. Kuubanɔ cɔwvo sɔla baŋaa le kpaaya ndɔ bɛndoo le.

Osee 1:7

Kɛ i lonin Yudaa kaolaa tei, mì ciindiaa nda, ya Mɛlɛka Hala ndaa. O venin a kpaasiaa le, o venin a mɔɛi cɔw le, o venin a cɔw le, o venin a n'so, o venin vɛlɛ a vanaa ɲaanun o soa coo-a le ya ciindiaanin nda.»

2Dɛnnda lemasalan 14:11

O kon, mí Mɛlɛka koaŋ Etiopiia Asa a Yudaa o hɔl, má ɲaanun.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!

Kundalan 27:16

«Màá nɔm Mɛlɛka Hala pila, nɔm nɔ yoomu ɲɛm yooman cɔwnun-ndon kpow o ba-o hɛli simlacinɔɔ le vannda ha!

Ɛsdras 5:2

O kon, mí Sorobabɛl po Sealtiɛl-lo nda Yosue po Yosadak-o a mingi vallo kandɔɔ, má muungu vɛlɛ Cɛi-Hala-o tangullo Yerusalɛm. Vanaa-tɛɛngaa-diom Hala-a va nda ikɛi, a va nda malaa.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

O Kandɔɔ 41:16

Mí Yosɛf dimul Faraɔnnɔɔ aa: «O co ya le co tɛɛsiaa le, kɛ Hala co nɔm masaa kɔlɔ lɔma sɔlaama nɔmndan tɛɛsial ni.»

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

1Samiɛl 17:47

O laan vannda ha kpow a co sina ni maa o co a mɔɛi cɔw, te kon te a bál te Mɛlɛka baŋa vana le. Mɛlɛka co naa mala mì n nɔla niaa, kani ndu Mɛlɛka nɔ cɔwvo o ba ni.»

1Masaa 19:12

Tuma lɛŋnden le pɛngi ɲiiyaa-o, mí yinnden le fula, kɛ Mɛlɛka ve vɛlɛ o yinnde len nin te. Yinnden hiovɔɔ, mí ɲɔɔ mei kpili-kpili, mí diom fɛ́ɛ́-fɛ́ɛ́o pum tuɛinun.

Ɛsdras 3:10

Mɛɛ vanaa cɔavaa lacɛiya kila Cɛi-Mɛlɛka-o, má simi vanaa-solia-lasálàá lon, domala solia lasálàlan la va nda lekɔɔ, bulula hɔŋaalan la va nda o laba. Leviia nda nda, poaa Asaf-a, ndáà nɔ kɛ́ŋun comulan o laba ni le Mɛlɛka biiloo maa mɛɛ David masa Israɛlla sɛva yɛ.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Daniɛl 2:34

A va tofaa, má ca dɔ́ɔ́ mí powvo sɛmba a ba ndɔ o pembei, mó hun soaŋ pelun piɔm kon, pelun toosian mun a cilinnde a á puulu loamaa-on, mó cui mun mululu.

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Aasee 2:21

«Dimul Sorobabɛl co masa ibungaa Yuda-o maa i co halataalaa a lɛŋnden hiiluu.

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

Esai 34:16

La nuwviaa o sɛbɛ Mɛlɛka-o nin mì la dimi ɲɛ co o sɛvaa-o. Visia kan kpow, o pilɛ bɛɛ lonin kɔɔli le, o pilɛ bɛɛ nuwviaanin caan ndɔ mo kɛɛ ndu cɔ le. Kani Mɛlɛka dimi ndi a sondo ndɔɔ le tosaa ni, kɔl ndɔɔ cuungiaanin nda ni.

Esai 59:19

O kon, a kenin diola Mɛlɛka lan a biilu ndɔɔ bɛɛlen, kandɔɔ nɛɛ paalen le del-la háá nɛɛ le can-nda. Hali yaamɔɔ hun bɛɛ súlùlù maa mɛmma pee bɛndu, kɔl Mɛlɛka-o toawnin ndu mò ɲaanun.