Sakari 4:2 - BII BILA

² Mó ɲuna ya aa: ‹Yɛɛ nɛ n co yɛ cɔu?› Mí muli aa: ‹Ɲɛ kɛsiaa lafitina cɔwnun kpow a sianion-ndo ya co cɔu ni. Kpufɔɔ co o bolle ndɔlen coo déŋ. Fitinalan la co lecoo tan ŋɔmmɛw a kolikolima cuɛiyan ma kei nin-ndan man ŋɔmmɛw, le fitinala co lan lecoo lan.

Sakari 4:2 Referans Kwoze

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 1:12

Mí mulin le diom va kon sɔɛi o ya lo-o sinaa. Yáà mulinndo, mí ca ɲɛla-kɛsiaa-lafitinala n'sianilan tan ŋɔmmɛw,

Sakari 5:2

Mí mɛlɛkanɔ kon ɲuna ya aa: ‹Yɛɛ nɛ n co yɛ cɔu?› Mí mulul ndu aa: ‹Sɛbɛ simbulaa ya co cɔu hiŋnɔnndo coocoo ni. Sɛbɛ kalaa, bandii ndɔɛi co dunndo bidiin, buo dunndo tɔ́.›

Yeremi 52:19

Mí simlacinɔ kpalilla cua vɛlɛ ɲɛm ndáà toosiaa a sianion a á volin latámán-ndon kpow: kpángàlan, kpɛɛnɛn lalɔɔon, bonyun fuusan, bombola kɔandaa lapultan, ɲɛ kɛsiaa lafitinaa, culan a ɲɛm-laandun celen.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

2Dɛnnda lemasalan 13:11

Idii a icɔl, a co Mɛlɛka sálàla loamaalan solullo mà va ansan lomɔɔ. A co bulula sálàla co le Hala lan kɛsio o tabali diandaa coo, a co fitinala co o ɲɛ kɛsiaa lafitina n'sianio coo lan mɛndullo. N co tɔŋnda Mɛlɛka Hala naa lan peeloo. Kɛ niaa niaa, la cii ndu kɔɔ mulul.

2Dɛnnda lemasalan 4:7

Mó cɔaw ɲɛla-kɛsiaa-lafitinala n'sianilan tɔ́, mɛɛ ndáà sɛva le lan toosiaa yɛ, mó kɛsi lan o cɛi lenin bɛndu Cɛi-Hala-o nin, laŋuɛɛnu o ba kɛndɔɔ coo, laŋuɛɛnu o ba mɛllo coo.

1Dɛnnda lemasalan 28:15

Mó cɔm ndu mɛɛ sianion mún bɛnda lusullo le ɲɛ kɛsiaa lafitinaa a fitinala ndɔlan cɔvɔɔ a mun yɛ, mɛɛ ɲɛ kɛsiaa lafitina oo ɲɛ kɛsiaa lafitina a fitinala ndɔlan láà bɛnda le lusullo nɔu yɛ. Mó cɔm vɛlɛ ndu mɛɛ volion mún bɛnda le lusullo nɔu le ɲɛla-kɛsiaa-lafitinalan a fitinala ndalan cɔvɔɔ a mun yɛ. Ndóò bɛnda mì ndóò cɔw lan mɛɛ ɲɛ kɛsiaa lafitina kɛ́-kɛ̀ ndóò nɔ baalaa yɛ.

Vana Kɔlkaloo 12:6

O kon, yoole toosian a volin humbon-nden le kiolunin, mì taala kólaa n'sianio piɔl, mì kpɛɛnɛi mamɛnnde piɔl, mì yoole nanaa mamɛnnden le kiolu mì ɲɛ kɔandaa mamɛnndo del o soon kólaa nin,

Yeremi 24:3

Mí Mɛlɛka ɲuna ya aa: «Yeremi, yɛɛ nɛ n co yɛ cɔu?» Mí mulul ndu aa: «Vooson ya co cɔu ni, naŋɔɔ pila n naŋ-ndon naŋ ni, n niŋ toon yɛ, vana nɔla bɛɛ mun dioo le, kani n tambu bɔɔ.»

Amɔs 7:8

Mí ndu Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí mulul ndu aa: «Yoole tuvaa cɛilen ya co cɔu ni.» Mí Maalii dimul-la aa: «I co yoole tuvaa cɛilen malɔɔ vanaa nia tɛɛn, cuavaa Israɛlla pɛɛn. I hiw lɛnin laci a nda hakio malɔɔ le few!