Sakari 3:9 - BII BILA

⁹ Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Sakari 3:9 Referans Kwoze

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Condii lisai 118:22

Ya pow vanaa cɔavaa cɛiya viow-vo, i siŋnun pow kilaa cɛiyo.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

2Korɛntea 1:22

O handu naa tɔɔmasele ndɔɔ coo, mó luei naa yiyan Kɔl-Diandaa o lakɔl, kon co landei le ɲɛm kɛndɛn o kɛsul naa-on ni.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

2Korɛntea 3:3

La co cɔmndo maa sɛbɛ fula Krista o ba-o niaa co ni, o fula o baala naa nin-ndo pɛɛn. O sɛvan a malankili le, kɛ a Kɔl-Diandaa Hala nɔ yoomoo o ba-o. O sɛvan o powta yɛ́ndɛ́lan coo le, kɛ vanndacieea o lakɔl.

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Sakari 3:4

Mí mɛlɛkanɔɔ soaa o vanaa va isisi ndu laci-a lo, mó dimul nda aa: ‹La soli volɔɔla nɔɔlɛilan ndu lekɔɔ.› Mó dimul Yosue aa: ‹Tofa vɔ, i faŋa nɔm haki nɔmndo coo le nɔm volɔɔla kafolan vowvo.›

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Fulaa 28:36

O kon kɔɔli, ma tosa pɛngɛi pɔmbɔɛi a sianin diandan le holɔɔ o mɔsillo laci, ma sɛva lecoo mɛɛ vana sɛva o tampɔnndo coo nuaa yɛ aa: ‹O kɛsin teengen le baala Mɛlɛka-o-o.›

Fulaa 28:21

Mì diola poaa tɔ́ a à ŋiɔŋaa Israɛl-la la va lasialaa lecoo mɛɛ nda sial sɛvaa o powvo le ndu siinguuo tampɔnndo nuaa yɛ. Mì pow oo pow nɔ diola vana pilɛ o poaa tɔ́ a à ŋiɔŋaa Israɛl-laa kan tɛɛn.

Fulaa 28:11

Cua vana caa powtan siɔlɔɔ-o, mò sɛl diola lan o powta tiɔnnda lan coo mɛɛ nda sial powvo mà toosiaa tampɔnndo nuaa yɛ. Ma hol powta tiɔnnda lan o sianion coo.

Condii lisai 103:12

Mɛɛ tiŋndo co nɛɛ paalen le can-nda a nɛɛ le del-la tɛɛn nuaa yɛ, lende koni o mal naa fondaa tɛɛn a tɛɛmbuula naalan ni.

1Masaa 1:20

Nduyɛ, nɔm masaa kínɛí Israɛlla kpow a cal nin tofaa ni le vana koma calnin o kpɛŋɛ lemasaa coo, mò tosa masalen nɔm kɔɔli-o nda cɔmndo.