Sakari 3:8 - BII BILA

⁸ ‹Lelan nɔm Yosue co bolle vanaa-solia-lasálàá-o a caaŋaa nɔmaa niaa co baala pilɔɔ tosaa ya o hɔl-la, la yaŋ nilan! Bau vanaa co tɔɔmasele levundoo-a niaa co ni. Kani la tofa vɔ, i co vana baala nuu cuu, vana ni baala nɔ diolan aa Vulɔɔ-o.

Sakari 3:8 Referans Kwoze

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Esai 20:3

O kon mí Mɛlɛka dimi aa: «Mɛɛ vana ni baalaa Esai co kelaa kɔɔle fondo a pelun fondo o vɔsilan tan yáá bɛngu nuaa yɛ, tɔɔmaseloo a kɔlɔ siɔdii lacio co kon le Esiptea a le Etiopiia ni,

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Esekiɛl 12:11

Dimul nda ɲɛ ya túú ho-o, ndu co tosan nda coo ni. A kɔanin a nda o biyɔɔ nin o lɛŋnde celen nin.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Esai 49:5

Sunsun, Mɛlɛka co sɔɛi, o toosiaa ya kabi o violɔn nuu le siŋnɔnndo vana ndɔ baalaa-o, le cuavaa Yakɔb-a mingio ndu o ibuŋ a le cuavaa Israɛlaa co vɔ a sɛŋiannda-a mingio o ndu lo-o, kani ya Mɛlɛka ke bɛɛle len ni, nduyɛ Hala nuu co yoomuma niaan ni.

Esai 8:18

Tofa vɔ, ya a cuavaa Mɛlɛka yɔngu ya-a, naa n co tɔɔmaselelan a ɲɛ cɔm siɔdii lacio-o o lɛŋnde Israɛl-ten nin fulaa Mɛlɛka-Nɔ-Kpaayaa-Kpow-vo o ba ni, o co icali o pembei Siɔn coo-o.

Luke 1:78

A toɲa, Hala naa nɔ bɔɔ dɛnɛ kɛndɔɔ, o solinin ɲɛ-tengaa fulaa coocoo, mò dindi naa maa ɲɛ-tengaa paale siaa,

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.

Esekiɛl 34:29

I yɔngunin nda tɔlɔɔ vannda sina taw-vo. Yima fofolan ma luei lɛnin nda coo o lɛŋnde ndalen nin te, vanaa-mangalaa-isɔɔa tɛɛmbuu lɛnin nda bɛ̀ɛ̀lan te.

Esekiɛl 24:24

Dɛnɛ Esekiɛl tosa-o vanin tɔɔmaseloo le niaa ni, la tosanin mɛɛ o tosa yɛ kpafii. Lɔ́ɔ́ kon keinin niaa coo-o, la sinanin maa ya co Maalii ni, Mɛlɛka pɛɛn.

Esai 49:3

Mó dimul-la aa: «Vana ni baalaa n co ni, nɔm Israɛl, o nɔm nin ya lisannin ni.»

Condii lisai 71:7

I siŋnun dɛnɛ kɔndɔfillo le vanaa bɔɔ-bɔɔ, kɛ nɔm co nɛɛ nia viannaŋaa kpeekpeiya ni.

Esekiɛl 12:6

Siilun volɔɔla nɔmndan o congú nda o hɔl, mà soli lan o ɲumndan nin, mà kumbu hɔlla yɔŋii n cɔ lɛŋnden. Kani i yeema ma tosa dɛnɛ kpaloo le Israɛlla.»