Sakari 3:7 - BII BILA

⁷ ‹Nuaa Mɛlɛka-Nɔ-Kpaayaa-Kpow-vo soo ni aa: Taa kela pɛ o nɛila nilan coo, taa bii pɛ tɔŋnda nilan kpáŋ, nɔm vanin yaman kiolɔɔ o cɛi nuu nin ni, nɔm vanin bɛɛ nuu mandaa ni. O kon, i kenin nɔm fondaa o vanaa co haa isisi nanu-a tɛɛn.›

Sakari 3:7 Referans Kwoze

O Kandɔɔ 26:5

Kani Abraham fuɲa nɔm bii sɔɛi nii, silala nilan a tɔŋnda nilan, mó kela o nɛila nilan a o hɛnan nuu coo.»

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Tɔŋ lasálàá 8:35

O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Nsaŋ 14:2

Fondalan la co taw o Fuɲa nuu lo cɛinin, te ndóò ve toɲa le, i va niaa dimul. Kɛ fondaa ya co lakɔ niaa toosial ni.

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Sakari 6:5

Mí mɛlɛkanɔ kon mulul-la aa: ‹Hoiyun sala hiɔɔlun fula o halataala-on co mun ni. N co fulaa nɛɛ n va isisi Maalii lelɛŋ kpow-vo laci-a.›

Sakari 4:14

Mó dimul-la aa: ‹Vanaa ŋiɔŋaa sɔla pɔla diandaa ma va isisi Maalii nɔ lɛŋnden kpow-vo o hɔl le ndu baalaa tosallo-a ni.›»

Esekiɛl 48:11

Vanaa-solia-lasálàá sɔlanin pɔlaa o polale Sadɔk len coo-a nɔnin bungɛi ken ni. Kani nda va baala nuu tosaa ni, (ya Mɛlɛka), nda nda laasian mɛɛ leviia laasian telen cuavaa Israɛlla luɛi o pɔwlan nin-ndo le.

1Dɛnnda lemasalan 23:32

Ndáà bɛnda le cɛi-kola-toandaa-labɔɔŋianndo a Fonda-Diandaa mandaa ni. Puapilɛa ndaa, poaa Aarɔn-nda va nda hɔlten coo o baala Cɛi-Hala-o nin.

1Masaa 2:3

Bii diom Mɛlɛka Hala nɔmndo, mà kela o nɛila ndɔlan coo. Bii tɔŋnda ndɔlan a silala ndɔlan, mà kela o pɛɛkula ndɔlan coo mɛɛ o co o sɛvaa o tɔŋ Moise-o nin yɛ, haliko mi tuula nɔmndan kpow la bɛnda nɔm o ba, mì dɛnnda nɔmndan la biinun bila.

Esekiɛl 44:8

Niaa pila lendu hɔlla o vali ni yɔngun niaa a ɲɛm diandan o kɔɔ-o coo le, kɛ mí la cua vanaa súúla celeŋaa kan, mí la handu nda o fonda niaa le vali nuu tosaa o cɛi-kola-toandaa diandaa nuu nin.

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

1Masaa 3:14

Handɔɔ o kon coo, taa kela pɛ o nɛila nilan coo, ma bii sɔɔn nun a tɔŋnda nilan mɛɛ David fuɲa nɔm tosa yɛ, i cɔɔlunin yoomu nɔmndo bɛndi.»

Esai 62:9

Kɛ vanaa koawnin maalon-nda dianin mun, mà mel Mɛlɛka balika. Vanaa kiandunin rɛsɛnndon-nda bɛɛ, a kolnin mɔima ndan o bɛ́ɛ̀la cɛi ni diandaa nin.

Sakari 3:6

Mí mɛlɛkanɔ Hala-o sila Yosue aa:

Sakari 6:15

Vanaa co levil-la hunnin mà sɔɔnguu le baalaa tosaa, le Cɛi-Hala-o mingio tangullo. O kon, la sinanin maa Mɛlɛka-Nɔ-Kpaayaa-Kpow-vo vem ya o niaa lo ni. Te la yaŋ pɛ nilan o diom Mɛlɛka Hala niaa, mì la kela lecoo, o tosannin lende.»