Sakari 3:4 - BII BILA

⁴ Mí mɛlɛkanɔɔ soaa o vanaa va isisi ndu laci-a lo, mó dimul nda aa: ‹La soli volɔɔla nɔɔlɛilan ndu lekɔɔ.› Mó dimul Yosue aa: ‹Tofa vɔ, i faŋa nɔm haki nɔmndo coo le nɔm volɔɔla kafolan vowvo.›

Sakari 3:4 Referans Kwoze

Luke 15:22

Kɛ mí fuɲaa dimul vanaa ndɔa baalaa aa: ‹La hun a doma kɛndɛ-kɛndɔɔ cɔ́-cɔ́, mì la vow ndu. La vow ndu kelɛi o isu, mì la vow ndu samtalan.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 43:25

Ya ni, ya ɲumi biondɔnnda niaalan le kaola ni ya pilaa ni, nduyɛ, i loonun ndɛnin hakila niaalan te.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Sakari 3:7

‹Nuaa Mɛlɛka-Nɔ-Kpaayaa-Kpow-vo soo ni aa: Taa kela pɛ o nɛila nilan coo, taa bii pɛ tɔŋnda nilan kpáŋ, nɔm vanin yaman kiolɔɔ o cɛi nuu nin ni, nɔm vanin bɛɛ nuu mandaa ni. O kon, i kenin nɔm fondaa o vanaa co haa isisi nanu-a tɛɛn.›

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Hebreea 8:12

i malnin nda haki, i loonun ndɛnin a hakila ndalan te.›»

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Sakari 3:9

Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Condii lisai 51:9

Ɲumi haki nuu a hisɔp, mì dendu. Pulu ya, mì hiow fengbɔɔ diondɔɔ.

Kolɔsea 3:10

mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Luke 1:19

Mí mɛlɛkanɔɔ mulul ndu aa: «Ya co Kabriɛl ni. I co isisi Hala o hɔl le ndu baalaa tosallo. O vem ya, mì soo o nɔm ndo, mì dimul nɔm Yoongu kɛndɔɔ ho.

Sakari 3:1

«O kon kɔɔli, mó cɔm ya Yosue, bolle vanaa-solia-lasálàá, o va isisi mɛlɛkanɔ Hala-o laci. Vana lɔalaa n'vanndo, Setana va isisi ndu o ba kɛndɔɔ coo le ndu sɔɔn hɛɛnduuvo coo.

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

Dɛnnda cɔɔmuanndan 5:11

Mí tofa vɛlɛ, mí ca mɛlɛkaa vaalan a vaalan o kpɛŋɛ lemasaa balɔɔ pindo. Ɲaa yoomaa a bɛndua yuuvɛiya bɛɛ va lon.

Matie 22:11

Mí masaa luɛi le vanáà hin kan-nda tofaa, mó saalun langbanɔɔ pum, ndóò nɔ volɔɔla kafo lekɔɔ le.

Esekiɛl 42:14

Te vanaa-solia-lasálàá luɛi pɛ lon, a bɛnda lɛ ma cɛn o fonda diandaa kon nin, mà fula a kpengii bɛɛ co lekɔɔli-o le. Kɛ a bɛnda mà soli fɔlɔn volɔɔla nda soli sálàá lekɔɔ lan, ma mɛi lan ndon. Kani ladiandaalan volɔɔla lan la co ni. A soli pɛ lan, a vownun volɔɔla cuɛinannda celen malan nda sɔɔnguu o fonda co le vanaa tɔaa-o.

Misee 7:19

O laan vɛlɛ nɔm Hala, a co naa iɲíí tuinɔn, a biinin naa maa tɛɛmbuula naalan la co yɛ le. A viawnin hakila naalan kpow o mɛmma ihɛllan nin polon.

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

Yeremi 52:33

O cɛl lɛ lɔ́ɔ́-lɔ́ɔ̀ mì Yoakɛn vownun volɔɔla kaasolan te. Handɔɔ o kon coo, nda masaa tuŋ vannun nin dioo ni.