Sakari 2:9 - BII BILA

⁹ Ya Mɛlɛka pila balunin ndu kandaa sɔ́ ni, mì va maa kpaki leyin le ndu. Ya vanin biilu ndɔɔ a naŋɔɔ ndɔɔ lenin ni. Ya Mɛlɛka dimi lende ni.›

Sakari 2:9 Referans Kwoze

Esai 19:16

O palɛi ken nin, Esiptea vanin maa vanlaandua nɔ mayoomu le-a, telen Esiptea canin Mɛlɛka-Nɔ-Kpaayaa-Kpow-vo baa heeloo le nda lɔɔ-o, a ɲiiyanin a siòònde ma vow.

Sakari 6:15

Vanaa co levil-la hunnin mà sɔɔnguu le baalaa tosaa, le Cɛi-Hala-o mingio tangullo. O kon, la sinanin maa Mɛlɛka-Nɔ-Kpaayaa-Kpow-vo vem ya o niaa lo ni. Te la yaŋ pɛ nilan o diom Mɛlɛka Hala niaa, mì la kela lecoo, o tosannin lende.»

Sakari 4:9

‹Sorobabɛl kila Cɛi-Hala-o ho ni, ndu koni siownin vɛlɛ ndu tangul ni. O kon niaa sinanin ni maa Mɛlɛka-Nɔ-Kpaayaa-Kpow-vo vem ya o niaa lo ni.

Esekiɛl 39:10

O vɔsila lan bɛngu, a venin lakɔ iyɔm tingɔɔ yondo nin te, a venin lakɔ iyɔm kioŋ o labundɛ nin te, kani ɲɛm cɔwvon nda vanin dɔvɔɔ le yinnden ciŋaa ni. A hialunin vanaa poondiaa ɲɔɔn nda o ba-a ɲɔɔn o ba, mà punga ɲɛm vanaa punga ɲɔɔn nda o ba o tasendɔ-a. Ya Maalii, ya co Mɛlɛka-o soo nuaa ni.

Esai 14:2

Mialla cuanin nda, mà mingi nda o calta ndalan. O kon, mì Israɛlla siinguu mialaa kan buɛyaa piaandua a buɛyaa laandua, o lɛŋnde Mɛlɛka len nin. A siinguunin vanaa óò bii nda o cɛlen nin-nda cɛa ndaa, mà siŋnun vanaa bɛndua vanaa va nda mɔnɛi lueiyo-a coo.»

Esai 11:15

Mɛlɛka veesiaanin tɛyii mɛmma ihɛllan Esipte, o heelunin ba ndɔɔ o pee bɛndoo coo, mò hul ndu a hoeyii ndɔɛi taw-taw, mì pee bɛndu kon piɔwnun tɛiyon mún ŋɔmmɛw n vana nɔla taŋɔɔ a soli samtalan te-on.

Nsaŋ 16:4

I co niaa ndi dimul, haliko te telen kon hun tiiya pɛ, la loonun maa yáà cii nin niaa ndi dimul.» «I yala niaa ndi dimul kabi o tasendɔ le, kani ya pila va niaa ikɛi.

Nsaŋ 13:19

I co niaa ndi pɔɔ dimul lɔ́ɔ́ pá mì dɛnɛ kon hun tosan, o kon o hun tosan pɛ, la laalan maa Ya co I co ni.

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

Sofoni 2:9

Lelan, le yoomu nuu, ya Mɛlɛka-Nɔ-Kpaayaa-Kpow-vo soo nuaa ni, ya Hala Israɛlla pɛɛn, Moab co hunɔɔ itambu mò siŋnun maa Sodɔm, mì poaa Amɔn-nda siŋnun maa Komɔr. Lɛŋnde ndalen le vanin maa yondo n'kayon, le siŋnunnin maa fonda ihɛl, maa fonda tambu le fɛɛn a fɛɛn-ndo. Vanaa lonin yoomu o yungu nuu nin-nda poondanin ɲɛm vanin lon-ndon, a sɔlanin lɛŋnde len kɛ́ɔ.

Habakuk 2:17

Dɛnnda vɔɔnnda niaa tosa Liban-ndan la mingulunnin niaa pila: la diw visia mí la tɛɛmbuu lɛŋnden, kobilan a vanaa va lenin-nda kpow.

Habakuk 2:8

Le tùú niaa poondiaa lɛŋii bɔɔ-bɔɔ ɲɔɔn o laba-o, niaa bɛɛ, lɛŋii tɔ̀ɛi poondiaanin ɲɛm niaan le vanaa niaa diw-va, le kafala niaa tosa o lɛŋnden nin-ndan a le delɔɔ niaa del kobio a vanaa co lenin-nda coo-o.

Yeremi 28:9

Kɛ te vana-tɛɛngaa-diom Hala-o dimi pɛ siɔdii lacio maa dɛnɛ kɛndɔɔ pum co hunɔɔ tosan, mì dɛnɛ kon peelun, o kon vannda sina dɔ́ɔ́ maa Mɛlɛka lekɛ́ndɛi vem ndu ni.»

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Esai 33:23

Kɛ nɔm, yoei nɔmnde i yɔnyɔlan, i co lɛ yɔm heelaa lɛfɛ landaa tumndo ŋɔvɔɔ le, i co lɛ kolala vuaalan tondɔɔ mì la kindun te. O kon, vannda co ɲɛm nda poonda o cɔwvo nin taw-von piɔvanndo, hali namtaa tinda-a bɛɛ co ɲɔɔn poondiaa.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Esai 13:2

La baŋ lɛfɛ landaa o pembii nɔ bil lecoo lei coo. La heelu diomndan mì la yonda o vanaa cɔwva lo. La hiiluu balan, o kon mà kei o diola vanaa bɛndua, mà luɛi.

Esai 10:32

O paale pilɛle len nin, a simnin Nɔb ma vueinun vanaa co o pembei Siɔn coo-a a laba, vanaa co icali o pembei Yerusalɛm coo-a pɛɛn.

Esai 48:16

La sɔɔnguu ya ikɛi mì la yaŋ nilan! Kabi o kandɔɔ, i dimi ɲɛ-ɲɛ o vionnɔn nin te, kabi nɛɛ sɔɔn mun kandun-nda, i va lon. Sisa, Maalii Hala vem ya ni mó yɔngu ya kɔl ndɔɔ!

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Esai 4:5

O kon, ndu Mɛlɛka pila solinin tindile ikumnden ipala a kumnde, mò soli yinnde biyaalen icɔl o pembei Siɔn kpow coo a o fondala vannda cuungian-ndan coo. Kani o ɲɛ oo ɲɛ coo, biilu Mɛlɛka-o vanin maa lekùù.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Esai 26:1

O palɛi ken nin, a solinin condei he o tàndá Yuda-o nin aa: «N nɔ kobi mayoomoo o kungaa ɲɛkɛndɛi, Mɛlɛka yɔngu naa cindaa, mí cinda kon siŋnun kpakio a sungbule makɔɔlen le naa.

Esai 33:21

Kɛ nduyɛ, lon Mɛlɛka lonin ni, mò cɔm naŋɔɔ ndɔɔ le naa. Fonda kon vanin tàndápeela bɛndoo a tàndápeela bana-banaa le naa. Kɛ dɛ̀ndɛ̀la mamɛnnda cɔwla kuenin lecoo le, dɛ̀ndɛ̀la bɛndula teŋnin o mɛmma man coo le.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esai 60:19

O ve lɛnin paalen te le ke lɛnin nɔm ɲɛ-tengaa ipala le, o ve lɛnin vɛlɛ paangei le i ke lɛnin nɔm pangeloo icɔl te, kɛ Mɛlɛka pila vanin ɲɛ-tengaa fɛɛn-fɛɛndo le nɔm ni, Hala nɔmndo vanin ɲɛ vavon nɔmndo ni.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Yɔɛl 2:27

O kon, la sinanin maa i co Israɛlla tɛɛn. La sinanin maa ya co Mɛlɛka ni, Hala niaa pɛɛn, maa Hala celen co o ya kɔɔli le. Le fɛɛn a fɛɛn nin, siɛmbula bii lɛnin yungu nuu le.»

Sofoni 3:15

Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.

Sakari 9:15

Mɛlɛka-Nɔ-Kpaayaa-Kpow-vo kandanin nda. À sɔlanin yoomuan mà ciimiaa powta fáàndala vanin nda hinullo lan. A kolnin mà ŋol maa mamɔi, a vanin a piaa maa bonyii fuusai makòó, maa kpɛ̀ɛ́n fonda-loamaa-lasálà.