Sakari 2:7 - BII BILA

⁷ Mɛɛ mɛlɛkanɔ va suukanndo a ya-o cɛn kɔnndan, mí mɛlɛkanɔ celen hun ndu bɔŋaa.

Sakari 2:7 Referans Kwoze

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Dɛnnda cɔɔmuanndan 18:4

Mí tuɛi diom celen sɔɛi o halataala aa: «Vanaa nia sei, la fula lon, yɔŋii niaa vow balan o hakila ndɔlan nin, mì la sɔla sangaa niaa ndaa latulu.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

O Kandɔɔ 19:17

Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»

Misee 4:10

La somisomin a ɲɛ nɛyaa, mì la ŋɔnga maa vanalanɔ nda sɔɔnguu lekɔɔ le volɔɔ. Kani la bɛnda mi la mal kobio sisa, mì la kɔ kila calta niaalan yondoo nin, mì la kɔɛ bɛɛ háá Babilɔn. Lon niaa co lakɔ baŋaa sɔla ni, lon Mɛlɛka hialunin niaa yaamɔaa niaa o ba ni.

Yeremi 51:45

Niaa vanaa niaa, la mal kobio, vana-vana cɛw yoomu ndɔɔ yɔŋii yelenyelen kɔl ni tambɛiyo suinun niaa.

Yeremi 50:8

La ɲaanun mì la faŋan Babilɔn, la faŋan o lɛŋnde len nin. La va maa cuinaa toovi kunda cɔlua laci.

Esai 52:2

Òó Yerusalɛm! Koŋ cundu nɔmndo, mà cɛn, mà cal. Òó niaa vanaa co o biyɔɔ nin-nda, vannda Siɔn la timbi yoei niaa o labolo!

Kundalan 16:34

A lo yeelan, mí Israɛlla kpow a ɲaanun a dimio aa: «N ɲaanun, yɔŋii naa bɛɛ lɛŋnden le miol naa kpow!»

Kundalan 16:26

Mó dimul vannda aa: «La faŋan o cɛila-kolala-toandaala vanaa kɔlvesɛiya ha ikɛi, la pilan ɲɛ-ɲɛ nda le, yɔŋii niaa bɛɛ sɔla piɔ́mndo le yɔŋnda vɔɔnnda ndalan kpow.»

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»