Sakari 2:6 - BII BILA

⁶ Mí ɲuna ndu aa: ‹Kuɛɛ nɛ n co yɛ kɔlan?› Mó muli aa: ‹Yerusalɛm ya co kɔlan tuuvo ni, le bu ndɔɔ a bandii ndɔɛi sinaa.›

Sakari 2:6 Referans Kwoze

Esekiɛl 17:21

Vanaa ndɔa cɔwva vanin ɲaanɔnndo le sɔɔndianndo-a delinin o mɔɛi cɔwve bɛngu, a tɔ̀a lonin yoomu-a a sɛŋinnin nɛɛ-nɛɛ ka. O kon niaa sinanin ni maa ya Mɛlɛka soo ni.»

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Dɛnnda cɔɔmuanndan 18:4

Mí tuɛi diom celen sɔɛi o halataala aa: «Vanaa nia sei, la fula lon, yɔŋii niaa vow balan o hakila ndɔlan nin, mì la sɔla sangaa niaa ndaa latulu.

Esekiɛl 11:16

Lelan dimul nda aa nuaa Maalii Hala dimi i aa: i sɛŋi nda nɛɛ levil o vanaa-mangalaa-isɔɔa tɛɛn, i sɛŋi nda o lɛŋii bɔɔ-bɔɔ nin, kɛ i siŋnunnin telen pum Cɛi-Diandaa le nda o lɛŋii nda kɔɛ nin-nde nin.›

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

O Kandɔɔ 19:17

Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»

Sakari 2:7

Mɛɛ mɛlɛkanɔ va suukanndo a ya-o cɛn kɔnndan, mí mɛlɛkanɔ celen hun ndu bɔŋaa.

Amɔs 9:9

Kani tofa vɔ, ɲɛ ya dimi le tosaa-o co hoo ni: i hiiluunin cuavaa Israɛlla o vanaa-mangalaa-isɔaa tɔ̀a tɛɛn, mɛɛ vana cacu ɲɔɔ a tɛmɔɔ nuaa yɛ. O kon, hali kulii pɔmbɔɛi i pilɛ i del lɛŋ te.

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Yeremi 51:50

Niaa vanaa hɛlun mɔɛi ndɔɛi cɔwve-a, la kɔnnun, la sim o foofo le dɛ! La kɔ lonin nɛɛ niaa kɔanin-nda mì la loonun a Mɛlɛka, mì la va Yerusalɛm yiyanndo coo.»

Yeremi 51:45

Niaa vanaa niaa, la mal kobio, vana-vana cɛw yoomu ndɔɔ yɔŋii yelenyelen kɔl ni tambɛiyo suinun niaa.

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Yeremi 50:8

La ɲaanun mì la faŋan Babilɔn, la faŋan o lɛŋnde len nin. La va maa cuinaa toovi kunda cɔlua laci.

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Yeremi 1:14

O kon mí Mɛlɛka dimul-la aa: «A ba luaŋ-ndo dɛnɛ palaa co fula ni mò tol vanaa co o lɛŋnden-nden nin-nda kpow coo.

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Ruti 4:1

Mí Boas kɔa, mó kɔ cal o dio kobio sondoo. Fɔ́ɔ́fɔ̀, mí vana baŋaa ndu Boas ndóò dimul Ruti sɔɛi ndɔɛi-yo va hiovɔɔ o fonda kon. Mó veelu ndu aa: «Caan ni sei! Sɔɔnguu vɔ nanu mà cal.» Mí langbanɔɔ kɔa, mó cal.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Marke 13:27

O cuunin mɛlɛkaa ndɔa, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o lɛŋnden mɛɛlulan, kɔlan tiiyaa o halataalaa mɛɛlulan.»

Condii lisai 44:2

Òó Hala! Naa pila n tuei, fuɲaa naa dimul naa dɛnnda n tosa o palɛi ndɛi lan.

Esekiɛl 5:10

Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.

Daniɛl 11:4

Kɛ telen o calnin ɲɛkɛndɛi o masale ndɔlen coo-o, masale ndɔle len le tambunin mì le piɔwnun o kpengun hiɔɔlun lelɛŋndon coo. Cuavaa ndɔa imamaa loonin masalen te. Le tosan ndɛnin a kpaaya bɛndoo maa paandu le, kani le vanin le piɔvaalen vanaa celen o ba.

Yeremi 31:38

Sɔɛi fula Mɛlɛka o sondo-e co hee ni aa: «Ɲɔɔ bendu lɛ le, mì kobio mingi tangulɔn cɔnɔnndo o cɛi coocoo Hananeɛl-lo, kɔ bii o dio sɔngio.

Sakari 1:16

Lelan, Mɛlɛka dimi aa: I muungu Yerusalɛm a ɲíí nii bɛnduei, cɛi biilaa nuu muungunin vɛlɛ tangulɔn ndon, a tuunin Yerusalɛm a yoolen le ndu tangullo. Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni.›