Sakari 2:5 - BII BILA

⁵ Mɛɛ ya heelu hɔlla, mí ca vɛlɛ vundule celen: langbanɔɔ pum va isisi a yoole tuvaalen o ba.

Sakari 2:5 Referans Kwoze

Esai 4:5

O kon, ndu Mɛlɛka pila solinin tindile ikumnden ipala a kumnde, mò soli yinnde biyaalen icɔl o pembei Siɔn kpow coo a o fondala vannda cuungian-ndan coo. Kani o ɲɛ oo ɲɛ coo, biilu Mɛlɛka-o vanin maa lekùù.

Condii lisai 3:3

Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

Sakari 9:8

I kilanin dɔ́ɔ́ngɔ́ɔ̀ o cɛi nuu ikɛi le ndu kandaa le vanaa cɔwva, a co luɛyɔɔ a fulaa-a pɛɛn. Vana kɔlvesɛi kei lɛnin nda ikɛi le. Kani hɔlta nilan la co nin va o cɛi nuu coo.»

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.

Esai 33:21

Kɛ nduyɛ, lon Mɛlɛka lonin ni, mò cɔm naŋɔɔ ndɔɔ le naa. Fonda kon vanin tàndápeela bɛndoo a tàndápeela bana-banaa le naa. Kɛ dɛ̀ndɛ̀la mamɛnnda cɔwla kuenin lecoo le, dɛ̀ndɛ̀la bɛndula teŋnin o mɛmma man coo le.

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Condii lisai 48:12

Pembei Siɔn co a ɲaaloo, kobila co o tàndá Yuda-o nin-ndan la co a kɔlkɛndɔɔ le yaman n co kiolɔɔ-on.

Condii lisai 46:5

Pee bɛndoo pum co, o tɛyun ndɔn co kobi Hala-o kɔllo nɛŋio-o, fonda diandaa-diandaa Hala-Hiow-Ɲɔɔn-Kpow-vo-o.

Condii lisai 85:9

I tuɛi ɲɛ Mɛlɛka dimio, o co sɔɛi le kɔlɲulu vanaa ndɔa a vanaa laalan ndu-a, haliko a muungu lɛ o diɔmii ndɛi nin te.

Condii lisai 125:2

Mɛɛ Yerusalɛm co o balaa sɔ́ a pembon nuaa yɛ, lende koni Mɛlɛka balu vanaa ndɔa ni, kandɔɔ sunsun háá le fɛɛn a fɛɛn.

Esai 31:9

Pow kpova nda kɔngan-ndo sɔndannin a siòònde, simlacia ndaa ɲiiyanin lɔ́ɔ́ nda canin lɛfɛ landaa hunɔɔ le cɔwvo-o. Lende Mɛlɛka nɔ yinnde ndɔlen Siɔn a tóndó bɛndu leyin ndɔɔ Yerusalɛm-ndo dimi ni.

Esai 32:18

Vanaa niaa calnin o fonda kɔlɲuloo, a nɔnin nɛɛ calaa yilia o fondala nila ɲululan nin.

Esekiɛl 38:14

Lelan, nɔm Po vanacieo, tɛɛnguu diom Hala-o. Dimul Kɔk aa: «Nuaa Maalii, o co Mɛlɛka-o dimi ni aa: ‹A toɲa, paale vanaa nia, Israɛlla calnin nila ɲulu len, nɔm Kɔk sinanin.

Esekiɛl 42:20

Mó tuu kpakio balɔɔ pindo o kpenngon kpow coo, mí ɲɔɔ bɛnda bandei tindaa kɛmɛ leŋuɛɛnu, buo tindaa kɛmɛ leŋuɛɛnu le fonda dindin (le vali Hala-o) a fonda yɔŋaa nuaa sɛiyo tɛɛn.

Sakari 2:10

Sei! Sei! Sei! La ɲaanun! La ɲaanun mì la faŋan o lɛŋnde maluaŋ-nden nin! Ya Mɛlɛka dimi lende ni. Kani yáà sɛŋi niaa o kpengun hiɔɔlun ceendo ni. Mɛlɛka dimi lende ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Sakari 9:14

«Mɛlɛka fulanin nda coo fɛlɛmɛndɛn, mì kɔɛi ndɔɛi kɔɛ a kiltan maa piɔɔ-volia, Maalii, o co Mɛlɛka-o hɔŋnin buloo, mò hinul nda o hoeyii fùkù-fùkùi fula a ba too-e nin.

Yeremi 31:39

A salunin pɛɛngula sɛnɛila kobio kandɔɔ a ba paalen le del-lo, a kpengii pembei Karɛb, mì la tundu le kɔlan a ba Koat-o.

Esekiɛl 47:3

Tuma langbanɔ kon fula a kpengii paalen le can-nde o, yoolen le va ndu o ba, mó tuu tiŋndo bandei dunndo vàá pilɛ, mó tɛɛnguu ya mɛnndan, mí mɛnndan ma bii ya o kpelenkpelenndon.

Sakari 1:16

Lelan, Mɛlɛka dimi aa: I muungu Yerusalɛm a ɲíí nii bɛnduei, cɛi biilaa nuu muungunin vɛlɛ tangulɔn ndon, a tuunin Yerusalɛm a yoolen le ndu tangullo. Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni.›