Sakari 2:4 - BII BILA

⁴ Mí ɲuna aa: ‹Yɛɛ nɛ nda nda co yɛ hunɔɔ tosa?› Mó mulul-la aa: ‹Sumnda ha hin le vanaa-mangalaa-isɔaa kundu tàndá Yuda-o a leela ndalan, mà puusiaa vanndacieea-a vueinɔnndo a le leela ndala lan yimio ni.›

Sakari 2:4 Referans Kwoze

Sakari 1:17

Yonda vɛlɛ mà dimi maa nuaa Mɛlɛka-Nɔ-Kpaayaa-Kpow-vo soo ni aa: ‹Kobila nilan la pianin vɛlɛ ca a ɲɛm kɛndɔn, i ɲɔɔlunin Siɔn, mì hɛli vɛlɛ Yerusalɛm.›»

Misee 7:11

Paale nda minginin kpakila nɔmndan cɔvɔɔ len, paale len nda co pɛɛngula lɛŋnde nɔmnden cɔɔlu mingi a makɔɔ ni.

Esekiɛl 38:11

A diminin aa: ‹I heelu vɔ mì kɔ del lɛŋnde co lekumbiaalen coo, mì del vanaa co icali o ba ndaa coo nila ɲulu o calta ndalan nin-nda coo. Vanaa co kan icali kpow o kobila co lakungaa a kpaki le lan nin-nda, à kobila ndalan la nɔ kan masɔkɔ a lakoŋ te-a pɛɛn.

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

Sakari 12:6

Paale len, i siinguunin vanaa co bolii lapangɛi Yuda-a maa yinndacieele yinnde bɛndoo o yɔmnde tɛɛn, te kon te maa tɛngɛ biyaa o tumbula n'maltan tɛɛn. A diwnin vanaa-mangalaa-isɔaa balu nda o ba kɛndɔɔ a o ba mɛllo coo-a kpow. O kon Yerusalɛm lonin o fonda ndɔɔ Yerusalɛm.

Yeremi 31:27

Mɛlɛka dimi aa: «Nanu a telen bingi, i tosanin mì vanndacieea a cɔlua tiw Israɛl a Yuda mɛɛ vana saŋ yɛiye o ciɛi nin nuaa yɛ.

Esai 49:20

A tuɛinin vɛlɛ cuavaa hɛlun nɔm paandu-a dimio nɔm o lani tuŋ-tuŋ aa: «Fondaa dɔɔnan bɔɔ le naa, cɔɔlu naa fondaa, haliko mi n cal fɛkɛi!»

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Yeremi 31:24

O kon vanaa co yondolan nin-nda a vanaa co o kobila Yuda lan nin-nda, vanaa vàá a vanaa mandaa n'cɔlua a calnin latulu o lɛŋnde len nin.

Esai 33:20

Kɛ mɛɛndan-ndɔ Siɔn, kobi naa naa n tosa kafolan nin-ndo! Hɔlta nɔmndan la canin Yerusalɛm, nɛɛ calaa connun kan o ba ndɔɔ coo yili-a o co ni, cɛi-kola-toandaa vana bɛɛŋuu lɛnin too, o vana sungu lɛnin pikin ndɔn too, yoei cɛi-kola-toandaa kon bɛɛ i tiimbun ndɛnin te few.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Yeremi 1:6

Mí muli aa: «Éé! Maalii Hala, i cee sɔɛi le, kani cuaambɔɔ ya co ni.»

Ɛstɛr 9:19

Lelan Yuifia va a sɛŋiannda yondolan nin o sɔndɔkɔltan-nda tosà kafoo o paale tɔ́ a lehiɔɔlundɔlen coo o paangii Adar nin ni, mà dɔwnun ɲaale, mà yaw ɲɛdiaa, mà kennan vɛlɛ ɲɔɔn paale len.

Daniɛl 1:4

Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

Sakari 1:16

Lelan, Mɛlɛka dimi aa: I muungu Yerusalɛm a ɲíí nii bɛnduei, cɛi biilaa nuu muungunin vɛlɛ tangulɔn ndon, a tuunin Yerusalɛm a yoolen le ndu tangullo. Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni.›

Esai 54:16

Tofa vɔ, ya (Mɛlɛka) i cɔw sumnɔɔ, o co yinnden fuulaa le suɛɛnde biyɔɔ, o co ɲɛm vallon cɔvɔɔ mó toosiaa ɲɛ cɔwvo mɛɛ o caa yɛ, kɛ ya i cɔw vɛlɛ vana tɛɛmbua ɲɔɔ le ɲɛ o cɔw kon-ndo tɛɛmbuuo.

Sakari 14:12

Tofa vɔ kpundɛ Mɛlɛka tuisinin vanaa-mangalaa-isɔɔa cɔlɔbanin Yerusalɛm-nda coo-o: vana-vana lonin yoomu mì dialun ndɔn sɛ kpow. Hɔltan la lonin vannda o koongolan nin mì la sɛ, diɛɛmuei lonin nda o lasondo mì sɛ.