Sakari 2:12 - BII BILA

¹² Kani la tuei-yɔ diom Mɛlɛka-Nɔ-Kpaayaa-Kpow-vo, o vem ya o vanaa-mangalaa-isɔaa co niaa yungaa a ɲɛm niaan hiɔlɔɔ-a lo-o dimi aa: ‹Vana-vana pilan niaa pɛ, mɛɛ vana kon pilan ya hɔlte kúlten.

Sakari 2:12 Referans Kwoze

Sakari 1:17

Yonda vɛlɛ mà dimi maa nuaa Mɛlɛka-Nɔ-Kpaayaa-Kpow-vo soo ni aa: ‹Kobila nilan la pianin vɛlɛ ca a ɲɛm kɛndɔn, i ɲɔɔlunin Siɔn, mì hɛli vɛlɛ Yerusalɛm.›»

Tɔŋ miingua 32:9

Kani kɛ́ Mɛlɛka-o ndu co yungu ndɔ kon ni. Polale Yakɔb len pɛɛn.

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Condii lisai 33:12

Dɛnɛ kɛndɔɔ co le vanaa kan, à Mɛlɛka co Hala ndaa-a! Dɛnɛ kɛndɔɔ co le vanaa kan, vanaa o hɛli le vaa kɛ́ ndɔɔ-a!

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Esai 41:9

Nɔm ya cua o lɛŋnden mɛɛlulan-ndo, nɔm ya veelu fulaa nɛɛ levil-lo, nɔm ya dimul ni aa vana baala nuu n co ni. I hɛli nɔm, i melnin nɔm te!

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Condii lisai 82:8

Éé Hala, cɔn ma kelu lɛŋnden iyama, kani vanaa-mangalaa-isɔɔa kpow, kɛ́ nɔmndo nda co ni.›»

2Dɛnnda lemasalan 6:6

Kɛ mí hɛli Yerusalɛm haliko mi diola nilan la va biilɔnndo lon. Mí hɛli vɛlɛ David, haliko mo tosa masalen vanaa nia coo, a co Israɛlla-a.›»

Condii lisai 132:13

Kani Siɔn Mɛlɛka hɛli ni, lon o yeema le caltan kilaa ni.

Condii lisai 132:14

O dimi aa: Nanu ya vanin pɛngio lɔ́ɔ́-lɔ́ɔ̀ ni, nanu ya vanin masalen tosaa ni, i yeema mì cal Siɔn.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Sakari 3:2

Mí mɛlɛkanɔ Hala-o dimul Setana aa: ‹Màá Mɛlɛka kinda nɔm sondoo, nɔm Setana! Màá Mɛlɛka kuuna nɔm sɔɛi! Ndu Mɛlɛka pila hɛli Yerusalɛm ni. Vɛ̀ɛ̀ o co maa kili nda soli o yin-ndo le langbanɔɔ ho co le?›

Tɔŋ miingua 32:10

O komal Israɛlla o tàndá lɛŋnde veselɛiyo nin, o fonda yilili ɲaa biyaa co kuuliaa nin-ndo. Mó cua nda le nda bɛsio, mó pɛɛku nda. Mó manda nda maa hɔlte kúlte ndɔlen.

Ɛstɛr 6:13

Mó kɔ downun Serɛs laa ndɔ a caaŋaa ndɔa kpow kona a ɲɛ yɔŋnun ndu-o. Mí vanaa ndɔa silaa kan a Serɛs laa ndɔ a dimul ndu aa: «Te Yuifinɔɔ Mardosee n kandu kon siɛmbulan tolɔɔ o hɔl-lo co ni, mɛɛ a nɔlanin ndu ɲɛ-ɲɛ tosa le. Sínà maa siɛmbulan la cɔɔlunin nɔm tolɔɔ ndu o hɔl.»

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

Esai 17:14

Icɔllo dɛnɛ isiòòn kon voolunin nda ni, nanu a paale siaalen, vana-vana lo lɛnin te. Lende dɛnɛ kon toalnin vanaa va ɲɛm naan poondiaa-a coo ni, lende dɛnɛ vanaa yunga naa-a yɔŋnunnin ni.

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.