Sakari 2:10 - BII BILA

¹⁰ Sei! Sei! Sei! La ɲaanun! La ɲaanun mì la faŋan o lɛŋnde maluaŋ-nden nin! Ya Mɛlɛka dimi lende ni. Kani yáà sɛŋi niaa o kpengun hiɔɔlun ceendo ni. Mɛlɛka dimi lende ni.

Sakari 2:10 Referans Kwoze

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Sakari 8:3

Le hee, Ya Mɛlɛka soaa nuaa ni, I co muungoo Yerusalɛm, i co hunɔɔ vɛlɛ calle o kobio Siɔn nin. Yerusalɛm sɔlanin diolan aa Kobi lo o lediom coo-o. Pembii Mɛlɛka-Nɔ-Kpaayaa-Kpow-vo i veelunnin aa Pembii Diandɛi.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Yeremi 30:19

Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.

Esai 66:14

La canin dɛnɔɔ ho, mì la naŋ kɔl taw. Yoomuan ma muungunin o paala niaalan nin, mì la yɔŋnun maa bil pɔmbɔ puiyaa. Ba kpaaya Mɛlɛka-o cɔmnunnin vanaa ndɔa baalaa, mì kɔltuw ndɔɔ tol yaamɔaa ndɔa coo.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Esai 54:1

«Viow kponyoo, nɔm vanalanɔ bɔlɔkɛɔ, nɔm vilu cua loo! Viow kponyoo a yoondiaalan mà dɔwnun ɲaale, nɔm dembe vialaa nɛi hoo loo! Kani cuavaa vanalanɔ malnanndo vanin sɛ́lɛ́ mà hiow cuavaa vanalanɔ co o nɔu-vo.» Lende Mɛlɛka dimi ni.

Esai 42:10

La solul Mɛlɛka condii sɛnɛiye. La lisa ndu a condon nɛɛ lɛŋnden le mɛɛlu-a. Niaa vanaa co kelaa o mɛmma ihɛllan coo-a, niaa co o mɛmma ihɛllan tɛɛn-nda, niaa lɛŋii co o mɛnndan tɛɛn-nde a niaa vanaa co icali o lɛŋii ken nin-nda pɛɛn!

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Fulaa 29:45

I kɛsinin calta nilan Israɛlla tɛɛn, mì va Hala ndaa.

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Esekiɛl 48:35

Balɔɔ pindo ɲɔɔ vanin dunndo vaalan tɔ́ a laŋɔmaa (18 000), kandɔɔ ɲinkon, kobio nɔnin diolan aa: «Mɛlɛka co nanu.»

Sakari 1:16

Lelan, Mɛlɛka dimi aa: I muungu Yerusalɛm a ɲíí nii bɛnduei, cɛi biilaa nuu muungunin vɛlɛ tangulɔn ndon, a tuunin Yerusalɛm a yoolen le ndu tangullo. Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni.›

Sakari 2:5

Mɛɛ ya heelu hɔlla, mí ca vɛlɛ vundule celen: langbanɔɔ pum va isisi a yoole tuvaalen o ba.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!