Sakari 13:3 - BII BILA

³ Te vanndo hun va nin pɛ diom Hala-o tɛɛnguuo, fuɲa ndɔ a kala ndɔ velu ndu-o dimulnin ndu aa: Piɔ́m nɔmndo tiiya! Kani còòlan n co dimio o diola Mɛlɛka lan nuaa ni. O kon, telen o vanin diom Hala-o tɛɛnguuo-o, fuɲaa nda kala velu ndu-o a cuukuu ndu, a dii ndu.

Sakari 13:3 Referans Kwoze

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Esekiɛl 14:9

Te vana-tɛɛngaa-diom Hala-o malnun pɛ ndu o ba, mò dimul vana kon lediom, mɛɛ ya Mɛlɛka hiŋnin vana kon hɔlla ni. I soaŋnin ndu, mì ɲumi ndu vanaa nia Israɛlla tɛɛn.

Yeremi 23:34

Vana-vana dimi pɛ aa volɔɔlan ya siiluu ndu ni, o va vana-tɛɛngaa-diom Hala, o va vana-solia-lasálà te kon te vana celenndo, i kuelnin ndu a yungu ndɔɔ.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Tɔŋ miingua 33:9

Nda dimi ni aa a ci kala nda a fuɲa nda le. Nda sina puapilɛ le, a sina po vialaa le. Kani a bii sɔɛi nɔmnde, má manda kpema nɔmndo.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Esekiɛl 13:23

La ci lɛnin vunduma lacòòvama man te. La dimi lɛnin sɔɔn co hunɔɔ yɔŋnɔn-ndon te, i baŋanin yungu nuu niaa o ba. O kon niaa sinanin ni maa ya co Mɛlɛka ni.

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.