Sakari 13:2 - BII BILA

² «Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Sakari 13:2 Referans Kwoze

1Masaa 22:22

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon, mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, mà kɔ tosa mɛɛ n dimi nuaa yɛ.›

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»

Fulaa 23:13

La bɛnda mì la bii sɔɔn ya dimul niaa-on kpow. La sooluu halaa celen te, la pial bɛɛ nda diolan te.»

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esekiɛl 30:13

Nuaa Maalii Hala dimi ni aa: «I tɛɛmbuunin piɔmnda mì ɲumi halaa fondoa co Nɔf-a, simlacinɔ ve lɛnin le lɛŋnde Esipte len te. I sɛŋinin kɔl isiòònndo o lɛŋnde len kpow nin.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Luke 11:20

Kɛ te a kpaaya Hala-o ya co ɲinaa vɔɔnda tovɔɔ ni, mɛɛ masale Hala len le tiiya o niaa lo.

Matie 12:43

«Ɲina vɔɔndo fula pɛ vanndo nin, o kɔ balu o lɛŋnde veselɛilen nin, le fonda pɛngiaa nuwviaa, kɛ ò sɔla fonda le.

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Esekiɛl 37:23

A nɔɔlian ndɛnin a piɔmaa ndaa le, a lɔngɔlian ndɛnin a dɛnnda ndala nɔɔlɛilan a á yɔŋnda vɔɔnnda ndalan kpow le. I ciindiaanin nda o fondala nda vanin icali nin, má tosa hakio lan kpow nin, mì dindi nda ma va vanaa nia, mì ya i va Hala ndaa.

Esekiɛl 14:9

Te vana-tɛɛngaa-diom Hala-o malnun pɛ ndu o ba, mò dimul vana kon lediom, mɛɛ ya Mɛlɛka hiŋnin vana kon hɔlla ni. I soaŋnin ndu, mì ɲumi ndu vanaa nia Israɛlla tɛɛn.

Esekiɛl 13:23

La ci lɛnin vunduma lacòòvama man te. La dimi lɛnin sɔɔn co hunɔɔ yɔŋnɔn-ndon te, i baŋanin yungu nuu niaa o ba. O kon niaa sinanin ni maa ya co Mɛlɛka ni.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

Esai 2:18

Piɔmnda kpow a ve lɛnin te.

Condii lisai 16:4

Vanaa co kɔlan piɔmnda sooloo-a nda, mɔnɛi daama nda co handɔɔ o mɔnɛi ndɛi coo ni. Kɛ ya ya, i solulnin piɔmaa kan sálàla makòólan lɔ́ɔ́-lɔ́ɔ̀ le, o co vɔ bɛɛ le diola ndalan piɔlɔɔ a sondo nuu le!

Yosue 23:7

La mɔ́sɔŋàn a vanaa-mangalaa-isɔaa lo vɔ kan icali niaa tɛɛn-nda le. La pial diola halaa ndaa le, la mɛnan o diola ndalan te, la sooluu nda le, la baŋ vulan nda o labɛngunin te.

Tɔŋ miingua 12:3

La bɛnda mì la puusiaa máánnda ndalan, mì la pesi powta ndala sálàlan, mì la lom sungbuma ndama soolan, mì la koombiaa piɔmaa ndaa, mì la ɲumi diola ndalan a tɔ́ɔ́ ndaa o tàndà kon nin.

Fulaa 22:13

Te vanndo yow pɛ vanndo cɔloo o ba, mì cɔlu kon yom pelei, te kon te mò vi vana ɲɔɔ kɔɔli, vana yow ndu-o bɛnda mò sala cɔlu pilaa.

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

Esekiɛl 6:6

Nɛɛ-nɛɛ niaa co icali, kobila lan la piɔlnin vɔ́-vɔ́, fondala soolaala niaalan la tambunin háá mì máánnda niaala yɔŋ vɔɔnnda lan la piɔsi. Piɔmaa niaa yomiyominin mà cuu kpow, bonyun fuusan niaan cuinunnin mì ɲɛm niaa cɔw mun-ndon ɲum pɔ́lì.

Esekiɛl 12:24

Kani vundule lacòòvale ve lɛnin te, vana vim ndɛnin yava o cuavaa Israɛlla tɛɛn te.

Esekiɛl 36:29

I baŋanin niaa mì soli niaa o dɛnnda nɔɔlɛila niaalan kpow nin. I co maalon dimul mì n luɛi kúlú, mì vangala mun taw. I tuisi lɛnin yima fofolan niaa coo le.

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Osee 2:19

I faŋanin ndu diola Baalla o sondo, vana ve lɛnin nda ladio piɔlɔɔ le.