Sakari 13:1 - BII BILA

¹ «Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Sakari 13:1 Referans Kwoze

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

1Nsaŋ 5:6

Ndu Yeesu Krista hin a mɛnndan a á koovan ni, o co ka a mɛnndan daama le, kɛ mɛnndan a koovan. Kɔl-Diandaa co seilen timbio, kani toɲaa Kɔl-Diandaa co ni.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Esekiɛl 36:29

I baŋanin niaa mì soli niaa o dɛnnda nɔɔlɛila niaalan kpow nin. I co maalon dimul mì n luɛi kúlú, mì vangala mun taw. I tuisi lɛnin yima fofolan niaa coo le.

Esekiɛl 36:17

«Po vanacieo sei, telen cuavaa Israɛlla va icali o lɛŋnde ndale kpeekpeilen nin-ndo, má nɔɔliaa len a kela nda vɔɔndo, a dɛnnda ndala vɔɔnndan. Mí kela nda vɔɔndo va ya o hɔl maa nɔɔla vanalanɔ co paangii ndɔɛi cɔu-vo.

Esai 4:4

Maalii co hoeyii dɛnɛ sandɛi a hoeyii dindiannde hɔŋ, mò tɔɔ vanlaandua Siɔn le ɲɛm nɔɔlɛin co nda tɛɛn-ndon, mò dindi Yerusalɛmnda le kooma vanaa nda diw-va.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Yeremi 29:26

Mɛlɛka siinguu nɔm vana-solia-lasálàá o fonda Yehoyada vana-solia-lasálàá-o ni, haliko ma nɔ hɔlten o Cɛi-Hala-o coo le vanaa siingun nda pila vanaa-tɛɛngaa-diom Hala-a. A saalun nda pɛ, a baa nda yɔlɔn, a vow nda cilinndon o labolo.›

Yeremi 33:8

I dindinin nda le hakila ndáà cua a ya lan kpow. Mì mal nda haki le nila kalula nda tosa, má cua hakio a ya lan.

Esekiɛl 47:1

Mí langbanɔ kon mingi ya vɛlɛ o Cɛi-Hala-o sondoo. Yáà tofaa, mí ca mɛnndan fulaa o kèédei Cɛi-Hala kon bɛngu a ba paalen le can-ndo, kani a ba paalen le can-ndo cɛi kon ndóò muli hɔlla ni. Cɛi-Hala kon o ba kɛndɔɔ coo mɛmma man ma va fulaa ni mí ma va tolɔɔ o fonda-loamaa-lasálàá a ba too kpeekpei.

Sakari 12:14

Yungu oo yungu nɔnin dɛnɛ palaa ndɔɔ, mì vanlaandua yungu kon a nɔ o ndaa.»

Tɔŋ lasálàá 11:36

Kɛ nduyɛ, te cɔlu vílɛ́i vaa lende del pɛ o soon kólaa nin, te kon te o soon mandaa mamɛnndo nin, mɛmma man mà lo madiandaa. Kɛ vana co visi vílɛ́i kon soli o mɛmma man nin-ndo, ndu siŋnun vana nɔɔlɛiyo.

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Misee 5:12

I puusiaa piɔmaa niaa a powta sálàla niaalan. O kon, la beŋ ndɛnin vulan ɲɛm niaa pila sɛl-lon o labɛngunin te.

Nsaŋ 5:4

kani mɛlɛkanɔɔ pum va tolɔɔ a telenndan lapum o mɛmma man nin le man biiŋoo. Vana-vana óò tol pɛ tase o mɛmma biiŋuamma man nin, ndóò sengu, mɛ̀ɛ́-mɛ̀ɛ́ naa kon ndóò va].