Sakari 12:4 - BII BILA

⁴ Ya Mɛlɛka co sɔɛi nuaa ni: Paale len, i seemiaanin soa, mì vanaa ɲaanun a soa-a yɔŋnun yoloma-yoloma. Kɛ i landunin hɔlla polale Yuda len coo tuma ya suumiaanin soa vanaa-mangalaa-isɔɔa tɔ̀a kpow-vo.

Sakari 12:4 Referans Kwoze

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Tɔŋ miingua 28:28

Mɛlɛka tuisinin nààla seemɛilan, sumaa a nààla bolle hiŋnanndan niaa coo.

Sakari 12:6

Paale len, i siinguunin vanaa co bolii lapangɛi Yuda-a maa yinndacieele yinnde bɛndoo o yɔmnde tɛɛn, te kon te maa tɛngɛ biyaa o tumbula n'maltan tɛɛn. A diwnin vanaa-mangalaa-isɔaa balu nda o ba kɛndɔɔ a o ba mɛllo coo-a kpow. O kon Yerusalɛm lonin o fonda ndɔɔ Yerusalɛm.

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Sakari 14:15

Kpundɛla vaa lende la toalnin soa, milɛɛa, ɲɔɔmɛɛa, sofɛlɛa a cɔlua vanin o dɔ́ɔ́ngɔ́ɔ̀ nin-nda kpow coo, mɛɛ la tol vanndacieea coo yɛ.

Sakari 12:11

O palɛi ken nin, dɛnɛ palaa bɛndoo vanin Yerusalɛm, dɛnɛ palaa kon vanin maa dɛnɛ palaa Hadad-Rimɔn-ndo o dɛɛlaa Mekido nin.

Sakari 10:5

A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.

Sakari 9:8

I kilanin dɔ́ɔ́ngɔ́ɔ̀ o cɛi nuu ikɛi le ndu kandaa le vanaa cɔwva, a co luɛyɔɔ a fulaa-a pɛɛn. Vana kɔlvesɛi kei lɛnin nda ikɛi le. Kani hɔlta nilan la co nin va o cɛi nuu coo.»

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Esekiɛl 39:20

La dianin visin soa a visin vanaa ɲaanun a soa-a o tabali nuu coo mì la pim. La dianin visin kuubaa cɔwva a visin vanaa cɔwva kpow. Ya Maalii, ya co Mɛlɛka-o soo nuaa ni.

Esekiɛl 38:4

I vownin nɔm dolinndon o yaalelan nin, mì sɛɛsuu nɔm, nɔm pila, vanaa nɔmaa cɔwva kpow, soa nɔmnda, vanaa nɔmaa ɲaanun o soa coo mà dovin kan ɲɛkɛndɛ-kɛndɛ-a, a co kan sɛ́lɔ́ɔ́ taw mà nɔ kɔ̀ɔ̀la cɔwla bɛndulan a lapɔmbɔlan o laba-a, a caa kan mɔɔn cɔwvon hiŋndo-a pɛɛn.

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Esai 37:17

Yandi Mɛlɛka yaŋ nilan mà tuei! Mɛlɛka kumbi hɔlta nɔmndan mà tofa! Tuei-yɔ sɔɔn Sennakerib sɔɔ vannda o sondo le hunɔɔ nɔm Hala yoomaa yeowlan a mun-ndon!

Esai 24:21

O palɛi ken nin, Mɛlɛka soaŋnin ɲɛm cɔvun co o halataala-on, mò kposoŋa masaa co o lɛŋnden coo-a.

Nehemi 1:6

Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

2Dɛnnda lemasalan 7:15

Kandɔɔ hau, i nɔnin hɔlten o fondaa ho coo a nilen leyaŋaa o fondaa ho.

2Dɛnnda lemasalan 6:40

Éé Hala nuu! Tofa, mà yaŋ nilan o piɛile ya co nɔm nden solullo o fondaa ho len.

2Dɛnnda lemasalan 6:20

Màá hɔlte nɔmnden le va o Cɛiyo ho coo idii a icɔl, fonda n dimi hoo aa lon diola nɔmndan la vanin piɔlnɔnndo ni-o pɛɛn. Yaŋ nilan o piɛile vana nɔm baalaa co tosaa o fondaa ho coo len.

2Masaa 6:18

Fɔ́ɔ́fɔ̀, mí vanaa cɔvaa Aramiia can, má va Elise kuello. Mí Elise piɛi Mɛlɛka aa: «Suumiaa vanaa-mangalaa-isɔɔa ha!» Mí Mɛlɛka suumiaa nda mɛɛ Elise dimi yɛ.

2Masaa 6:14

Mó viam vanaa cɔwva kunda bɛndoo a soa a á ɲɛla ɲaanannda soa nan-ndan, má kɔa icɔllo, má kɔ balu kobio sɔ́.

1Masaa 8:29

Paalen a ɲumndan, màá hɔlte nɔmnden le va o Cɛiyo ho coo, kani fondaa ho n dimi ni aa nanu diola nɔmndan la vanin piɔlnɔnndo ni. Lelan, yaŋ nilan o piɛile vana nɔm baalaa co o fondaa ho len.

Sakari 12:5

Simlacia Yuda diminin o kɔlta ndalan nin maa o Mɛlɛka-Nɔ-Kpaayaa-Kpow-vo nin yoomuma vanaa co icali Yerusalɛm-nda ma co ni, Hala ndaa pɛɛn.