Sakari 12:1 - BII BILA

¹ Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Sakari 12:1 Referans Kwoze

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Esai 57:16

Kani o co lɔ́ɔ́-lɔ́ɔ̀ le ya sɛɛngiaa le, o co le fɛɛn a fɛɛn te ya manda kɔl ni tuwvo le, yɔŋii yiyannda (vannda) la laasian, yɔŋii ɲaa yoomaa ya cɔw-va vunnun kpede.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Esai 48:13

Ba nuu kila lɛŋnden ni, ba ni kɛndɔɔ tondu halataalaa ni. I veelu dɔ́ɔ́ pɛ ɲɛm mun, n cɔmnun ya dɔ́ɔ́ vellaa-velle.

Esai 44:24

Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Yeremi 38:16

Mí masaa Sedekia mɛnalan Yeremi o vionnɔnndo nin aa: «Te Mɛlɛka co yoomu, o ke naa yoomoo-o. I diinin nɔm te, i melnin nɔm vanaa yeema haa le nɔm diyɔɔ-a o ba le!»

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

SƐBƐ YƆB-O 26:7

Ndu pɛngɛla halataala o soon bɛndu nɔ lamɛɛlu loo coo ni, ndu landu vɛlɛ lɛŋnden o ɲɛ fondoo coo ni.

Yeremi 10:12

A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Esai 40:22

Ndu co icali o kikil lelɛŋndo bollen ni, vanaa co icali lenin-nda maa n'sóónɔ nda co ni, o pɛngɛla halataalaa maa kola toandaa, o pɛngɛla ndu maa cɛi-kola-toandaa le calta ndɔlan kilaa lenin.

Esai 40:12

Nɛ̀ɛ́-nɛ̀ tuunun yɛ mɛmma ihɛllan o ba kɔllo nin? Nɛ̀ɛ́-nɛ̀ tuu yɛ bandei a tongii halataalaa a baa piasaa? Nɛ̀ɛ́-nɛ̀ tuu yɛ cundoo o lɛŋnden coo o bonyii puuluei nin? Nɛ̀ɛ́-nɛ̀ landu yɛ pembon o bawvo le lusu ndɔɔ tuuvo? Nɛ̀ɛ́-nɛ̀ heelu yɛ pembun pɔmbɔn o ɲɛ tuvaa coo le lusu ndɔɔ tuuvo?

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

Malasi 1:1

Sɔɛi lusulɛi Mɛlɛka soo o Israɛlla lo a sondo Malasi-o-e.

Sakari 9:1

«Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 50:34

Kɛ ya vana soaa le nda-o, i nɔ kpaayaa. Ya co Mɛlɛka-Nɔ-Kpaayaa-Kpow-vo ni. I co isɔɔ le nda válán, mì kɔlɲuloo sɔlan o lɛŋnden coo, o kon mì Babilɔnnda ɲiiya.

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

SƐBƐ YƆB-O 37:18

vɛ̀ɛ̀ a nɔla mà tondu halataalaa maa Hala, mò kendu maa ciliŋii kálà-kálà?

O Kandɔɔ 1:8

Mí Hala ke fonda sɛi kon mɛnndan-ndo diolan aa halataalaa. Mí ɲɔɔ yɔŋnun icɔllo a ipalaa. Paale diinndɔlen le yɔŋnun nden ni.

Condii lisai 134:3

Màá Mɛlɛka, o cɔw halataalaa a lɛŋnden-ndo dɔw niaa duaa fulaa nɛɛ o co Siɔn-nda!