Sakari 10:8 - BII BILA

⁸ I veelunin nda a hùíyé hɔŋndo, mì cuungiaa nda nɛɛ pilɛ. Kani i cii nda baŋa, a vangalanin vɛlɛ ma va sɛ́lɛ́ mɛɛ ndáà va paandu sɛ́lɛ́ yɛ.

Sakari 10:8 Referans Kwoze

Esai 5:26

O heelu lɛfɛ landaa le vanaa-mangalaa-isɔaa co nɛɛ levil-la, o hɔŋ hùíyé le nda veeloo nɛɛ nda co o lɛŋnden mɛɛlulan-nda. Tofa vɔ nda hunɔɔ cɔ́-cɔ́, a nɛiyo fééndà-fééndà.

Esai 7:18

O palɛi ken nin, Mɛlɛka hulnin pengia co o peelan Esipte mɛɛlulan-nda a lɛa co o lɛŋnde Asiri len nin-nda,

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Sakari 9:11

Mɛlɛka dimi aa: «Le niaa yɛ niko, le kpema ya yii a niaa a koovan-ndo, i co vanaa niaa co o biyɔɔ nin-nda baŋa, mì soli nda o soon mɛmma co lɛ lenin too nin.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

1Masaa 4:20

Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Esai 7:19

a hunnin fili-fili mà hun cal o kpolonndan nin, o tɛɛngun powta kpovala tɛɛndiɛilan nin, o bɔɔla yɔmii pɔmbɔɛi kpow coo a o bil puiyaa kpede coo.

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.