Sakari 10:5 - BII BILA

⁵ A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.

Sakari 10:5 Referans Kwoze

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Sakari 9:13

Kani i siɛndi polale Yuda len maa kpaasiaa, mí vow polale Efraim-nden o kpaasiaa kalaa nin mɛɛ vana vow kɔɛi o kpaasiaa nin yɛ. Éé Siɔn! Cuavaa Yavan-nda cannin le cɔlɔbaa a cuavaa nɔmnda. I siinguunin niaa maa mɔɛi cɔvii kuubanɔ.»

Condii lisai 20:7

I sinà nihau maa Mɛlɛka baŋa masa o pɔla-o. O lo o Cɛi ndɔ diandaa nin o halataala, mó va ndu mulullo a kpaaya ba ndɔ kɛndɔɔ.

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Matie 4:3

Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

Sakari 14:13

O palɛi ken nin, Mɛlɛka hiiluunin nda vokuu-vokuu, a biyannin a sɔngɔɔ vellaa-velle, mì vana-vana del vana nda cɛɛlan-ndo coo.

Sakari 14:3

O kon, Mɛlɛka fulanin ceen, mò cɔlɔba vanaa-mangalaa-isɔaa kan, mɛɛ o cɔlɔba o paale cɔwlen coo yɛ.

Sakari 12:4

Ya Mɛlɛka co sɔɛi nuaa ni: Paale len, i seemiaanin soa, mì vanaa ɲaanun a soa-a yɔŋnun yoloma-yoloma. Kɛ i landunin hɔlla polale Yuda len coo tuma ya suumiaanin soa vanaa-mangalaa-isɔɔa tɔ̀a kpow-vo.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Amɔs 2:15

Vana caa kpaasiaa hiŋndo-o bɛɛ nɔlanin simullo le. Hali vana hiow keleŋaa-o nɔlanin hiɔlɔnndo le. Hali vana hiow caa sow ɲaanɔnndo-o nɔlanin yoomu ndɔɔ baŋaa le.

Esekiɛl 38:15

A cannin o calta nɔmndan, o lɛŋnde maluaŋ-nden nin di-di, mà hin a vannda sɛ́lɛ́ bɛndoo nɔm kɔɔli. Nda kpede a vanin o soa coo, mà hin a sɛ́lɛ́ bɛndoo a vanaa cɔwva taw-taw kɔɔli.

Esai 41:12

A nuwviaanin nda, kɛ a seelun ndɛnin nda le, vanaa va sɔngɔɔ nuwviaa nɔm o n'dial-la pɛɛn. Vanaa va nɔm delɔɔ coo a cɔwvo-a siŋnunnin ɲɛ fondoo, a venin ɲɛ-ɲɛ le nɔm te.

Esai 25:10

Kani ba Mɛlɛka-o co o pembei he coo, lɛŋnde Moab len le nɛwnunnin a labɛngu o fonda ndɔɔ, mɛɛ vana nɛw foeende o sállo coo nuaa yɛ.

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Esai 8:9

Lelan, niaa vanaa-mangalaa-isɔɔa, la yonda bɛɛ yonda cɔwvo, la co cuvɔɔ yomiyomi. Niaa vanaa co icali levil-la, la yaŋ nilan! La bɛɛndian le cɔwvo, kɛ la co cuvɔɔ yomiyomi!

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Condii lisai 33:16

O co le vanaa cɔvaa sɛ́lɛ́a le masaa sɔla cindaa le. Kuubanɔ cɔwvo sɔla baŋaa le kpaaya ndɔ bɛndoo le.

Condii lisai 18:42

A co koŋullo, kɛ a co vana malaa sɔla le, a co Mɛlɛka veeloo, kɛ o co nda mulul te.

2Samiɛl 22:43

I co nda cuiyo, mí va nda mingio maa cundu, i co nda nɛwvo mɛɛ vana nɛw loolio o nɛi nuaa yɛ.

2Samiɛl 22:8

Mí lɛŋnden le hiilun, mí le ɲiiya, mí nɛɛ halataalaa kɛsi tumndo-a hiilun yongban-yongban. A toɲa, mí lɛŋnden a halataala biiŋun le tùú Mɛlɛka ndóò tuulu kɔl-lo.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»

Yosue 10:42

Mó bii tàndàla lan a masaa ndaa kpow o lepilɔɔ. Kani Mɛlɛka Hala Israɛlla va cɔwvo tosaa le nda ni.

Yosue 10:14

Paale súú vaa lende le yɔŋnun-ndɔ kabi paandu le, le yɔŋnun ndɛnin vɛlɛ le lɔ́ɔ́-lɔ́ɔ̀ le. Paale len, mí Mɛlɛka tosa hɛnan vanacieo, kani Mɛlɛka pila va cɔwvo tosaa le Israɛlla ni.

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Dɛnnda cɔɔmuanndan 19:17

Mí ca mɛlɛkanɔɔ pum isisi o paalen nin. Mó yondal yovaa va kelaa coocoo-a kpélén aa: «La hun mì la cuungian le ɲɛdiaa bɛndu Hala toosiaa-o,

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Dɛnnda kiilaa 18:24

Mí Yuifinɔ pilɛ, diolan Apolɔs, fulaa Alɛksandrii tiiya Efɛs. Ndóò caa sɔɛi taw, ndóò sina vɛlɛ Sɛbɛ-Hala-o ɲɛkɛndɛi.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Condii lisai 44:5

Òó Hala! Nɔm co Masa nuu ni. Cɛl mì pulun Yakɔb-on nɔla yaamɔɔa o cɔwlan.

Esai 41:25

I cua vanndo pum o lɛŋnde maluaŋlen nin mó hun nanu. O co ya diolan veeloo nɛɛ paalen le can-nda dí. O co vanaa kpaayaa nɛwvo a labɛngu maa looli, maa puulu bɔ́w vana cɔavaa n'kpɛɛnɔɔ co nɛwvo-o.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

2Masaa 9:33

Mí Yehu dimul nda aa: «La ɲindu ndu lɛŋ!» Má ɲindu ndu, mí kooma ndɔan ma vesulun o cìì cɛiyo, mí ma vesulun vɛlɛ soa. Mí Yehu kei ndu coo a ɲɛ ɲaanan ndɔ soa nan-ndo.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!