Sakari 10:4 - BII BILA

⁴ O polale Yuda len nin simlacia kpede a fulanin ni. A vanin a kala maa pow lebol tangulaa, maa pikii ciɛi-kola-toandaa, maa kpaasiaa cɔw.

Sakari 10:4 Referans Kwoze

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

Sakari 9:8

I kilanin dɔ́ɔ́ngɔ́ɔ̀ o cɛi nuu ikɛi le ndu kandaa le vanaa cɔwva, a co luɛyɔɔ a fulaa-a pɛɛn. Vana kɔlvesɛi kei lɛnin nda ikɛi le. Kani hɔlta nilan la co nin va o cɛi nuu coo.»

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

2Timote 2:4

Vana cɔw co baalaa-o bɛnda mò vow balan o sɔɔn celen nin te, te o yeema pɛ mò tosa ɲɛ hɛnan vana co ndu bollen-ndo.

Matie 9:38

Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.

Esai 54:16

Tofa vɔ, ya (Mɛlɛka) i cɔw sumnɔɔ, o co yinnden fuulaa le suɛɛnde biyɔɔ, o co ɲɛm vallon cɔvɔɔ mó toosiaa ɲɛ cɔwvo mɛɛ o caa yɛ, kɛ ya i cɔw vɛlɛ vana tɛɛmbua ɲɔɔ le ɲɛ o cɔw kon-ndo tɛɛmbuuo.

Esai 49:2

Mó siinguu sondo nuu maa mɔɛi luɛyaa, mó siinguu ya maa kɔɛi siɛɛmbiɛi, mó kumbu ya a vunduma ba ndɔɔ, mó vian ya o bɔlɔ n'kɔɔ ndɔɔ nin.

Esai 19:13

Cuaa lemasaa Soan siŋnun vanaa seemɛiya, cuavaa lemasaa Nɔf luɛi o diɔmii sondo vesɛiye. Vanaa co bolii lapangɛi-ya laasiaa lɛŋnde Esipte len.

Condii lisai 118:22

Ya pow vanaa cɔavaa cɛiya viow-vo, i siŋnun pow kilaa cɛiyo.

Ɛsdras 9:8

Kɛ nduyɛ, o co vɔ lɔ́ɔ́ levil te, mí nɔm Mɛlɛka Hala naa tosal naa kɛndɛi, má mɛi vannda pum yoomu o vanaa naa tɛɛn, má mingi nda vɛlɛ le calle o lɛŋnde nɔmnde diandaa len coo. Hala naa, nuaa n cɔm naa ɲɛ-tengaa ni, má yɔnyɔla naa o cɛle naalen nin.

1Samiɛl 14:38

Le hee, mi Saul veelu simlacia Israɛlla kpow, mó dimul nda aa: «La kpɛngbɛla vɔ sɔɛi he mì la sina haki tosan hau-vo.

O Kandɔɔ 49:24

Kɛ kɔɛi ndɔɛi biŋin te, congúla ndɔlan la nɔ vɔ yoomuan, la co vɔ leemu-leemu. Kɛɛmasɔla Hala-Kpaaya Yakɔb-o le. Ndu co vana mandaa n'cɔloo a pow kpova Israɛl tiindan-ndo ni.

Luke 20:17

O kon mí Yeesu tofa nda ciŋ, mó ɲuna nda aa: «Kɔlɔ yɛɛ sɔɛi co hee isɛvaa-e nɔ yɛ aa: ‹Pow vanaa tangulaa cɛiya viow-vo, pow kon siŋnun pow lebollo ni?›

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

1Piɛr 2:6

kani o co o sɛvaa o Sɛbɛ Hala-o nin aa: «Tofa vɔ, i co pow-sɔngio handɔɔ Siɔn, o sɔvɛ ya hɛli-o, vana-vana laalan ndu pɛ, ndu tulnun lasiɛmbu le.»

Yeremi 51:20

Mí Mɛlɛka dimul Babilɔn aa: «Maa kundua n co le ya ni, ɲɛ cɔwvo lekɛ́ndɛi. A nɔm ya pesipesi vanaa-mangalaa-isɔɔa ni, mí tɛɛmbuu masɛi.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.