Sakari 10:2 - BII BILA

² Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Sakari 10:2 Referans Kwoze

Matie 9:36

Ndóò cɔu sɛ́lɔ́ɔ́, mí ɲííye bii ndu a nda, kani a va a sangaa taw, má vu diallon maa saa nɔ vana mandaa le-a.

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Esekiɛl 34:5

Le vana manda n'saa lepɛŋndo, má saŋnun kpede, má siŋnun balo visia biyaa yondoo nin, má cuu saŋnɔn faw.

Yeremi 27:9

Lelan niaa, la yaŋ vanaa-tɛɛngaa-diom Hala-a niaa lani le, la yaŋ vanaa niaa dimi siɔdii lacio-a, vanaa tɛɛsiaa lɔma sɔlaan-nda, vanaa sina loeon kɔlɔ-a a vanaa mangalaa nilan te. Nda kpede a co niaa dimullo aa la delnin masaa Babilɔn o ba le.

O Kandɔɔ 31:19

Telen kon, Laban ndu ndóò kɔɛ saa ndɔa yiinde kilio. Mɛɛ nda cɛn kɔnndan, mí Rasɛl ciimbuu piɔmaa tongoniŋaa fuɲa ndɔa.

Esekiɛl 34:8

Diom Maalii, o co Mɛlɛka-o dimi-o co hoo ni aa: «Le yoomu nuu, le tùú saa nia siŋnun pungapungaa-o, le tùú saa nia siŋnun balo visia biyaa yondoo nin le vana mandaa n'saa lepɛŋndo-o, le tùú vanaa mandaa n'saa nia a kɛɛ le hɔlla landɔɔ saa nia coo-o, le tùú vanaa mandaa n'saa va nda pila baloo dɔwnɔnndo má kɛɛ le saa baloo dɔvɔɔ-o,

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Esekiɛl 21:21

Nɔm mɔɛi cɔwve, lɔva o ba kɛndɔɔ coo, mà lɔva o ba mɛllo coo! Lɔva nɛɛ-nɛɛ ka.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 51:23

A nɔm ya pesipesi vanaa mandaa n'cɔlua a cɔlua ndaa ni, mí pesipesi vanaa vàá a navaa ndaa váà, masaa n'bungaa a simlacia.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 37:19

Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»

Yeremi 29:8

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 14:13

Mí muli aa: «Éé Maalii Hala! Vanaa-tɛɛngaa-diom Hala-a ndaa co nda dimullo aa: ‹Fɛɛn bɛɛ la sinanin ɲɛ co cɔwvo a yima fofolan-ndo le. Kɛ Hala kenin niaa kɔlɲulu kpeekpeiyo o fondaa ho.›»

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 8:11

A co pavii cua nuu pulɔɔ sɔvɛ le, vanaa nia pɛɛn. A co dimio aa: «Kɔlɲuloo, kɔlɲuloo», kɛ kɔlɲulu co le.

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.

Esai 46:5

A Nɛ̀ɛ́-nɛ̀ kpeekpei niaa tuu yɛnin ya, mì la siiman ndu a ya? Nɛ̀ɛ́-nɛ̀ niaa ce yɛ velan nuu o n'dial, haliko mi la tuu ya a ndu?

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

SƐBƐ YƆB-O 21:34

Ɲɔɔlu yɛɛ niaa co yɛ ya niko? Ɲɔɔlu fondoo fúú! Mulila niaalan-ndan kpow còòlan fúú!»

SƐBƐ YƆB-O 13:4

Kani niaa niaa, còòlan a sɔɔn lacòòvan koni niaa tuu ni. Mandea lacòòvaa niaa co ni.

1Masaa 22:17

O kon, mí Misee mulul ndu aa: «I ce Israɛlla kpow a sɛŋiannda o pembon coo maa saa nɔ vana mandaa le-a. Nduyɛ Mɛlɛka dimi aa: ‹Vannda ha nɔ lɛ simlacinɔ le, lelan, vana-vana muungun o ndu lo a kɔlɲuloo.›»

Masaa kialaa n'yamaa 18:14

Mí vanaa ŋuɛɛnua ndáà kɔɛ kan lɛŋnde Lais len mɛɛndianndo-a dimul caaŋaa ndaa aa: «La co pá sina maa doma ifalen solia lasálàá, piɔmaa tongoninnda, piɔm tuulaa a piɔm nda cɔw a ciliŋun teengian-ndo co o cɛilan ndan o pilɛ nin? Niaa pila yiyan niko ɲɛ niaa bɛnda mì la tosa-o.»

Kundalan 27:17

Vana nɔla mò sim nda laci o cɔwvo-o, o nɔla mò cɔm vanaa cɔwva taasila cɔwlan-ndo, yɔŋii kunda Mɛlɛka-o siŋnun maa cɔlua nɔ vana mandaa le-a.»

Marke 6:34

Yeesu fulaa dɔ́ɔ́ o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, kani maa saa nɔ vana mandaa le-a nda va ni, o kon mó can nda pɛɛkoo o sɔɔn taw coo.

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Tɔŋ miingua 13:2

«Te vana-tɛɛngaa-diom Hala-o pum, te kon te vana sina kɔlɔ lɔma sɔlaan-ndo pum hun cɔmnun pɛ niaa tɛɛn, te o tosa pɛ dɛnɛ kaamaa pum, te kon te mò dimi sɔɛi co hunɔɔ yɔnnɔn-nde,

Esai 41:29

Tofa vɔ, nda kpede ɲɛ fondoo fúú nda co ni. Dɛnnda ndalan kpow la co ɲɛ-ɲɛ le. Hoeiye a ɲɛ fondoo piɔmaa ndaa co ni.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Yeremi 27:10

Kɛ còòlan fúú nda co niaa dimullo lende ni, te la yaŋ pɛ nda nilan, la sɔlanin tovɔɔ, mì la kɔɛ lɛŋnde niaalen levil. A toɲa, i toawnin niaa ba-ba fee, mì la cuu.

Yeremi 27:14

La yaŋ vanaa-tɛɛngaa-diom Hala-a co niaa dimullo maa la tosalnin masaa Babilɔn baala le-a lani le. Còòlan fúú nda co niaa dimullo ni, lelan la yaŋnun nda le.