Sakari 10:1 - BII BILA

¹ «La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

Sakari 10:1 Referans Kwoze

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Condii lisai 65:9

Siòònde bii vanaa co o lɛŋnde mɛɛlulan-nda le dɛnnda kaamaala nɔmndan. Vanaa co ba paalen le can-ndo-a a vanaa co ba paalen le del-lo-a a co yondaa a kɔlkɛndɔɔ.

Tɔŋ miingua 28:23

Halataalaa niaa coo kiandunin kpoke maa idaɲa, mì lɛŋnden niaa o pelon bɛngu le kengela kekew maa icilin.

Nsaŋ 16:23

Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Amɔs 4:7

Ndóò lo vɔ paangon mún yáá le telen koavaa tiiyaa, mí tuŋ niaa piɔɔ. Mí tuisi piɔɔ o kobio o pilɛ coo, mí kɛɛ le ndu tuisio o kobio pilɔɔ coo. Mó sia o ciɛi pilɛ coo, kɛ o se o ciɛi pílɛi coo le, mí ɲɛm ndáà váá o ciɛi ken nin-ndon vesan a valoo.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 10:13

O cua dɔ́ɔ́ pɛ sondoo, mɛnndan ma cuungian o halataala, coocoo piimiaa kɔɔli-kɔɔli, ɲɔɔ kandu dɔ́ɔ́ volio le piɔɔ tuisio, hoeiye cɛn hɔŋndo.

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Talelan 16:15

Hɔlaa masaa va pɛ tɛ́fɛ̀lɛ̀kɛ̀lɛ̀ɛ̀, mɛɛ dɛnɛ kɛndɔɔ co o nɛi. Ɲiacɔ ndɔɔ co ko maa piɔɔ sialte tase.

Condii lisai 104:13

Nɔm Mɛlɛka co o calta nɔmndan nin coocoo, a co pembon pɔɔliaa. Lɛŋnden le pɛ cá a dɛnnda nɔmndan.

Yeremi 51:16

O dimi pɛ, mɛnndan ma diinun o halataala, piɔɔ bɛndoo hel o lɛŋnden mɛɛlulan, halataalaa voli, o kon piɔɔ sia, hoeiye fula o soon ndɔɔ nin.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

SƐBƐ YƆB-O 29:23

Cumndo ndáà cum ya ni, mɛ̀ɛ́-mɛ̀ɛ́ vana cum piɔɔ le siaa nuaa yɛ, A va sondolan kumbio le cumndo mɛɛ vana cum piɔɔ sialte tasoo nuaa yɛ.

Condii lisai 135:7

O co piɔɔ helaa cuaa o lɛŋnden mɛɛlulan, o co taŋndan volio le piɔɔ tuisio. O co hoeyii o va mandaa-e solio.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›