Sakari 1:8 - BII BILA

⁸ «Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.

Sakari 1:8 Referans Kwoze

Dɛnnda cɔɔmuanndan 6:4

O kon mí so celen fula, kɔɔlen le va ndu le siaŋa maa leyin. Mí dio kennun vana va lecoo-o le kɔlɲuloo faŋaa o lɛŋnden coo, haliko mi vanndacieea diuvan vellaa-velle, o kon mí mɔɛi cɔvii bɛnduei pum kennun ndu.

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Esai 55:13

Yɔmii Siprɛsiei vulnin o fonda yɔmii n'yɔɛi va-o, yɔmii Mirte vulnin o fonda yɔɔn va-o, tɔ́ɔ́ bɛndoo vanin kon le Mɛlɛka ni, tɔɔmasele fɛɛn-fɛɛndo vanin kon ni, o feŋannin le fɛɛn a fɛɛn too.»

Esai 41:19

I tɔalnin yɔmii sɛɛdre, akasia, mirte a oliviee o lɛŋnde veselɛilen nin. I tosanin mì yɔmii siprɛs, ɔrme a buis vil o dɛɛlala vesɛila niŋ tɔlɔɔ le lan nin,

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Daniɛl 7:2

mó dimi aa: «Icɔllo, mí ca vundulen-nden: Mɛɛ hoeiye hɔŋ fulaa o kpengun hiɔɔlun ceendo, mí i biiŋuu mɛmma ihɛllan.

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

SƐBƐ YƆB-O 4:13

telen lɔma sɔlaan ma kela icɔl-lo, tuma diallon vu vanndacieea lɔ́ngùlɔn-ndo,

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

Yosue 5:13

Lɔ́ɔ́ Yosue sɔɔnguu Yeriko ciee-lekɔɔ-o, mó heelu hɔlla, mó ca vanndo pum isisi ndu laci, mɔɛi cɔwve va vana kon o ba, i ve o boo nin te. Mí Yosue sɔɔnguu ndu ikɛi, mó ɲuna ndu aa: «O kunda naa coo n co ni baa o kunda yaamɔaa naa coo?»

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 2:16

«Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Dɛnnda cɔɔmuanndan 6:2

Mí tofa, mí ca so humboo. Kpaasiaa va vana va lecoo-o o ba, mí mɔsil lemasaa kennun ndu, mó kɔa maa vana tiw ba-o le nɔlaa.

Nehemi 8:15

Sɔɛi ken ndíì bɛnda le yondanndo o kobilan kpow nin a Yerusalɛm ciee aa vannda kpow a kɔ o pembei coo le pei oliviee nda tɔl-lo, pei oliviee yondoo, pei yɔm Mirte, siɔ̀ɔ́lan a yɔmii puiyɛi bɛɛsiaa, le kùùlan tangullo.

Sakari 1:7

O paale bidiin a lehiɔɔlundɔlen coo, o paangii tɔ́ a ipilɛndɔɛi nin, paangii Sebat pɛɛn, o vɔsi diinndɔɔ nin o masale Darius len bɛngu, mí Mɛlɛka soaa o vana-tɛɛngaa-diom Hala-o Sakari lo, po Berekia-o, po imama Ido-o, mó dimi aa:

Sakari 1:10

Mí langbanɔ va isisi o yɔmii pɔmbɔɛi tɛɛn-ndo cua sɔɛi, mó dimi aa: ‹Soa Mɛlɛka vem le balɔɔ o lɛŋnden coo-a ni.›

Sakari 1:11

O kon, mí vanaa va o soa kan coo-a mulul mɛlɛkanɔ Hala va isisi o yɔmii pɔmbɔɛi tɛɛn-ndo, má dimi aa: ‹N balu lɛŋnden kpow, tofa vɔ, lɛŋnden kpede le co o kɔlɲuloo nin, le connun nila ɲulu.›

O Kandɔɔ 46:2

Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.