Sakari 1:6 - BII BILA

⁶ Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Sakari 1:6 Referans Kwoze

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Tɔŋ miingua 28:15

«Kɛ te la bii diom Mɛlɛka Hala niaa le, te la kindin le kelaa o silala ndɔlan a o tɔŋnda ndɔla ya co niaa hau yɔngoo lan coo le, dangala toalnin niaa coo lan la vanin ndan ni:

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Amɔs 9:10

Vanaa lahakia o vanaa nia tɛɛn kpow a vunin o mɔɛi cɔwve bɛngu. Vanaa kan kpeekpei, a co kan dimio-a aa: ‹Dɛnɛ palaa sɔɔnguunin naa macɛlu le, o tulnin naa coo le.›»

Yeremi 44:28

Vannda ɲɛ-pɔmbɔ daama hialunnin mɔɛi cɔwve ni, mà mal Esipte, mà muungu o tàndá Yuda-o. O kon vanaa lonin kan yoomu o vanaa ndáà kɔɛ kan caltan Esipte-a tɛɛn-nda sinanin te sɔɛi nda dimi-e peelunnin ni, te kon te i ya dimi-e.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

1Tesalonikea 5:4

Kɛ puapilɛa naa, niaa niaa, la co o maɲum nin te, paale len le voolunin niaa maa mɛɛ vuiyo voolu vana nuaa yɛ le.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Esekiɛl 37:11

Mó dimul-la aa: Po vanacieo sei, paalan ndan, la co cuavaa Israɛlla kpow ni. Kani cuavaa Israɛlla co dimio aa: ‹Paala naalan la vesan, tiindan naa tambu. Mbɔ̀ naa n cuu fɔ́!›

Esekiɛl 20:43

La lonin ndon mì la yiyan a káà niaa a dɛnnda niaala niaa va tosa mí la nɔɔliaa niaa lan kpede. O kon, la nɔla lɛnin hɔlla tofanndo vellaa-velle le, kani siɛmbulan la vanin niaa le dɛnnda vɔɔnnda niaa tosa lan kpow.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

SƐBƐ YƆB-O 6:29

Mbɔ̀ la muungu o niaa pila nin! Sɔɔn lacòòvan va naa tɛɛn te. Mì cɔɔlu niaa dimul, la muungu o niaa pila nin! Sandaa nii co o dɛnɔɔ ho ni.

Tɔŋ miingua 28:45

Dangalan ndan kpow la toalnin niaa coo, mì la kɔɛ niaa kɔɔli, mì la luei niaa mɔnɛi, háá mì la cuu vu kpede. Kani la biinin diom Mɛlɛka Hala niaa mì la kela o tɔŋnda ndɔlan a o silala ndɔla o yɔngu niaalan coo le.

Tɔŋ miingua 28:20

Mɛlɛka tuisinin dangaa, kɔl yulan-yulanndo a dɛnɛ laasiɛiyo niaa coo o valta niaa vanin tosaa lan nin. La lonin lende háá mì la cuu vu, mì la keleŋa ɲum cɔ́-cɔ́, le faŋan niaa faŋannin ya o ibuŋ mì la luɛi dɛnnda kɔlvesɛilan tosaa-o.

Kundalan 33:56

O tosan yɛ pɛ lende, mɛɛ niaa ya saangiaanin mɛɛ yáà tuu le nda saangiaa yɛ ni.»

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Tɔŋ miingua 28:2

Te la bii pɛ diom Mɛlɛka Hala niaa, mì la kela lecoo, duaalan ndan o dɔawnin niaa ni, mò saŋ ndan niaa coo:

Esai 21:17

O vannda Kedar tɛɛn, kuubaa a vanaa vuaa lakpaasiaa ɲɛ-pɔmbɔ daama lonin ni.» Lende Mɛlɛka, o co Hala Israɛlla-o soo ni.

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Yeremi 36:28

«Cua sɛbɛ celen mà mingi sɔɔn kɛ́-kɛ̀ n va n'sɛvaa o sɛbɛ tasoo coo sɛva lecoo, o Yehoyakim masaa Yuda lom-ndo pɛɛn.

Yeremi 39:16

«Kɔ soo o Ebɛd-Melɛk Etiopiinɔ lo, mà dimul ndu aa: Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co dɛnnda yáà dimi le tosaa lan peelu vannda Yerusalɛm coo le nda saangiaa, o venin dɛnɛ kɛndɛ le nda le. Paale len, i tosannin nɔm o hɔl.

Yeremi 44:29

Sɔɛi fula ya Mɛlɛka o sondo-e co hee ni maa: «Esipte nanu ya lɔaanin niaa ni. Mì cɔm niaa tɔɔmaseloo. O kon niaa sinanin ni maa toɲaa sɔɔn ya dimi le niaa dɛnɛ palaa tuisio coo-on co ni. Tɔɔmasele kon co hoo ni.

Daniɛl 4:28

O va sɔɔn mun dimio kínɛí, mí diomndo pum soaa o ndu lo fulaa o halataala aa: «Nɔm masaa Nebukanɛsar sɔɛi he dimulun ni. Masalen le hɛlun nɔm fɔ́!

Osee 5:9

Polale Efraim-nden le tambunin paale ya tuisinin nda dɛnɛ palaa coo len. Sɔɛi ya co hee Israɛlla dimullo-e hun tosannin lekɛ́ndɛi.

Sakari 1:7

O paale bidiin a lehiɔɔlundɔlen coo, o paangii tɔ́ a ipilɛndɔɛi nin, paangii Sebat pɛɛn, o vɔsi diinndɔɔ nin o masale Darius len bɛngu, mí Mɛlɛka soaa o vana-tɛɛngaa-diom Hala-o Sakari lo, po Berekia-o, po imama Ido-o, mó dimi aa:

2Masaa 15:12

Mɛɛ Mɛlɛka ndóò dimul Yehu yɛ kpafii ɲɔɔ tosan ni, mí ndóò dimul ndu aa: «Poaa nɔmnda tosanin masalen o fonda nɔmndo o lɛŋnde Israɛl-ten coo háá o lambi hiɔɔlundɔɔ.» Nduyɛ lende ɲɔɔ tosan ni.

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

Yeremi 28:17

Lekɛ́ndɛi, mí Hanania vana-tɛɛngaa-diom Hala-o vu o paangii ŋɔmmɛwndɔɛi o vɔsi pilɛ kon nin.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.