Sakari 1:4 - BII BILA

⁴ La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.

Sakari 1:4 Referans Kwoze

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Sakari 1:3

Lelan, dimul Israɛlla aa nuaa Mɛlɛka-Nɔ-Kpaayaa-Kpow-vo soo ni aa: ‹La muungu ya o ibuŋ, mì ya bɛɛ i mulul niaa hɔlla. Mɛlɛka-Nɔ-Kpaayaa-Kpow-vo dimi lende ni.

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Misee 2:6

«Vannda pum a co ya dimullo aa: ‹Pɛngi tombola fondoo ho! Diɔmnde i co ni le dimio aa n nɔla siɛmbula ndan kpakpalaa le.›

Amɔs 5:24

Kɛ i yeema mì dɛnɛ sandaa va tosanndo mɛɛ mɛnndan ma hiaw nuaa yɛ, mì sɔɔn va tosanndo sakpo mɛɛ mɛmma pee pɔmbɔan ma hiaw a yoomuan nuaa yɛ.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 44:16

«Dimi pɛɛ aa o diola Mɛlɛka lan n co sɔɛi o naa lo ni, n yeŋnin nɔm lani le.

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Nehemi 9:16

Kɛ mí fuɲaa naa imamaa tosa yongaa, má kɛɛ nɔm diom, a yeŋ nilan o tɔŋnda nɔmndan te.

Ɛsdras 9:7

Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.

2Dɛnnda lemasalan 34:21

«La kɔ mì la ɲuna Mɛlɛka isɔɔ o sɔɔn sɛbɛ tɔŋ nda ce hoo-o coo le ya, le vanaa tɔ̀a lo icali Israɛl a Yuda-a. Kani kɔltuw Mɛlɛka co hunɔɔ naa tolɔɔ coo-o vanin o bɔɔ! Bau fuɲaa naa mamaa bii sɔɛi ndɔɛi le, a kela mɛɛ sɔɔn sɛvan o sɛbɔɔ ho nin-ndon kpow n dimi yɛ le.»

2Dɛnnda lemasalan 30:7

La tosa maa fuɲaa niaa a puapilɛa niaa le. Kani nda, a lo o lediom coo a Mɛlɛka Hala fuɲaa ndaa mamaa le. Lelan mí Hala luei nda mɔnɛi mɛɛ niaa co cɔu nuaa yɛ.

Yeremi 4:1

Mí Mɛlɛka dimi aa: «Israɛl, taa muungu pɛ ya o ibuŋ, taa mal pɛ piɔmnda sooloo, mà ve lɛ laasian te, mɛɛ a nɔla ma muungu ya o ibuŋ.

Yeremi 23:22

Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Esekiɛl 20:18

Mí dimul poaa ndaa o lɛŋnde veselɛilen nin aa: ‹La del silala fuɲaa niaa kɔɔli le, la bii sɔɔn nda co niaa pɛɛkoo-on te, la nɔɔlian a piɔmaa ndaa le!

Esekiɛl 33:4

Te vanndo pum tuei pɛ diom bulu kon mò saalan sɔɛi ken te, te o vi pɛ o mɔɛi cɔwve bɛngu, mɛɛ ndu pila nuwviaa piɔ́m kon ni.

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

Yeremi 3:14

Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

Yeremi 25:8

Lelan o Mɛlɛka-Nɔ-Kpaayaa-Kpow-vo dimi-o co hoo ni aa: «Le mɛɛ niaa tui ya diom te yɛ,

Esekiɛl 14:6

Lelan, dimul cuavaa Israɛlla aa nuaa Maalii, o co Mɛlɛka-o soo ni aa: ‹La mangala kaala niaalan mì la faŋa kɔllo o piɔmaa niaa kan. La faŋa hɔlla o dɛnnda niaala nɔɔlɛila lan kpede.›

Daniɛl 9:6

N yeŋnun vanaa nɔmaa baalaa le, vanaa-tɛɛngaa-diom Hala-a pɛɛn, á tɛɛngul masaa naa, simlacia naa, fuɲaa naa mamaa a yungu naa kpow sɔɔn nɔmndon-nda.