Sakari 1:2 - BII BILA

² «Mí Mɛlɛka tuulu sindɛ kɔl a fuɲaa niaa mamaa taw-taw.

Sakari 1:2 Referans Kwoze

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Condii lisai 60:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Bil pɔmbɔ leseiyo»-o o soli ndi ni.

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

2Masaa 23:26

Kɛ a kon kpow, Mɛlɛka ɲulul kɔl a Yudaa le, kani dɛnnda Manase ndóò tosa lan kpow láà tɛɛmbuu bɔɔ ndu Mɛlɛka kɔllo.

2Masaa 22:19

Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Sakari 1:15

Kɛ i tuulu kɔl taw a vanaa-mangalaa-isɔɔa cennun nda pila ɲɛ-a. Kani ɲɛ-pɔmbɔ koni yáà tuulu kɔl ni, kɛ nda nda, má hun cɔɔlu dɛnɛ palaa vanaa nia handɔɔ lecoo.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Sakari 7:12

Má mingi kɔlta ndalan lakàlà-kálà maa idiaman, yɔŋii ndáà yaŋ nilan o tɔŋndo a o sɔɔn Mɛlɛka-Nɔ-Kpaayaa-Kpow-vo dimul nda a kɔl ndɔɔ a sondola vanaa-tɛɛngaa-diom Hala-a lɔ́ɔ́ kon-ndon. Lelan, mí Mɛlɛka-Nɔ-Kpaayaa-Kpow-vo tuulu kɔl a nda taw-taw.

Sakari 8:14

Kani ya Mɛlɛka-Nɔ-Kpaayaa-Kpow-vo dimi ni aa: Mɛɛ yáà tuu paandu le niaa dɛnɛ vɔɔndo tosallo le tùú fuɲaa niaa mamaa tuulu ya kɔl-lo yɛ, yáà mangala vɔ yiyan kon te. Ya Mɛlɛka-Nɔ-Kpaayaa-Kpow-vo o co sɔɛi nuaa ni.