Sakari 1:17 - BII BILA

¹⁷ Yonda vɛlɛ mà dimi maa nuaa Mɛlɛka-Nɔ-Kpaayaa-Kpow-vo soo ni aa: ‹Kobila nilan la pianin vɛlɛ ca a ɲɛm kɛndɔn, i ɲɔɔlunin Siɔn, mì hɛli vɛlɛ Yerusalɛm.›»

Sakari 1:17 Referans Kwoze

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Sakari 2:12

Kani la tuei-yɔ diom Mɛlɛka-Nɔ-Kpaayaa-Kpow-vo, o vem ya o vanaa-mangalaa-isɔaa co niaa yungaa a ɲɛm niaan hiɔlɔɔ-a lo-o dimi aa: ‹Vana-vana pilan niaa pɛ, mɛɛ vana kon pilan ya hɔlte kúlten.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Abdia 1:20

Israɛlaa vanin o ɲaanɔnndo nin a ba luaŋ-ndo-a cannin maa sɛ́lɛ́ vanaa cɔw, mà kɔ hiɔlu lɛŋnde Kanannda, mà kɔ tiiya a lɛŋnden hiɔlɔɔ háá Sarɛpta. Vanaa fula Yerusalɛm ma va o ɲaanɔnndo nin Sefarad-a, nda hialunin kobila co a ba too lan.

Esekiɛl 36:33

Nuaa Maalii Hala dimi ni aa: «Paale ya dindinin niaa a dɛnnda niaala nɔɔlɛilan kpow len, i minginin kobilan pei (a vanndacieea), mà mingi tangullo o bémbéla piɔlɛila paandulan coo.

Esai 66:13

Ya, i ɲɔɔlunin niaa maa cɛlɛkpɛ kala ndɔ co ɲɔɔloo-o. La sɔlanin ɲɔɔloo Yerusalɛm.

Esai 54:8

Yáà dɔwnun tumbé taw-taw mí yáà feŋal nɔm hɔlaa niaa, kɛ i tuinunnin nɔm iɲíí a kaola ni nɔ lamɛɛlu loo. Mɛlɛka vana baŋaa nɔmndo dimi lende ni.

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Condii lisai 69:35

Niaa ɲɛm co o halataala-on, niaa ɲɛm co o lɛŋnden coo-on, a niaa ɲɛm co o mɛmma ihɛllan nin-ndon, la sangala Mɛlɛka!

Nehemi 11:20

Israɛlaa tɔ̀a, vanaa-solia-lasálàá, handɔɔ o leviia coo, nda va icali Yuda o cieon celen nin ni. Nda kpow vana-vana va icali o fonda co kɛ́ ndɔɔ-o.

2Dɛnnda lemasalan 6:6

Kɛ mí hɛli Yerusalɛm haliko mi diola nilan la va biilɔnndo lon. Mí hɛli vɛlɛ David, haliko mo tosa masalen vanaa nia coo, a co Israɛlla-a.›»

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Sakari 3:2

Mí mɛlɛkanɔ Hala-o dimul Setana aa: ‹Màá Mɛlɛka kinda nɔm sondoo, nɔm Setana! Màá Mɛlɛka kuuna nɔm sɔɛi! Ndu Mɛlɛka pila hɛli Yerusalɛm ni. Vɛ̀ɛ̀ o co maa kili nda soli o yin-ndo le langbanɔɔ ho co le?›

Amɔs 9:14

I minginin vanaa nia vanin o biyɔɔ nin-nda o nda lo, cuavaa Israɛlla pɛɛn. À minginin kobila piɔl tan tangul, mà cal lenin. À tɔalnin rɛsɛnndon, mà kol mɔima ndɔan. À tɔalnin nakɔlan, mà de kɔmnde nakɔla lan.

Yeremi 33:13

Saa hiawnin vɛlɛ o ba vana cɔm nda-o bɛngu, o kobila co o pembon coo lan nin, la co o dɛngbɛlan nin-ndan nin, la co o tàndàá Nekɛv nin-ndan, o tàndá Bɛnyamɛn-ndo nin, Yerusalɛm balɔɔ a o kobila Yuda lan nin.» Diom Mɛlɛka dimi-o co kon ni.

Yeremi 31:13

O kon cuaambɔa laandua vanin yolan a ɲaaloo, felengia a bɛndua yuuvɛiya dɔawnunnin ɲaale latulu. I minginin mɔnɛi ndɛi ɲaaloo, mì ɲɔɔlu nda. I yɔngunin nda kɔlɲulu bɛndoo o dɛnɛ paalaa kɔɔli.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 49:13

Niaa co o halataala-a, la dɔwnun ɲaale! Niaa co o lɛŋnden coo-a, la va o kɔlkɛndɔɔ nin! Niaa pembon, la deŋi kpélén a kɔlkɛndɔɔ! Kani Mɛlɛka co vanaa ndɔa ɲɔɔloo, ɲííye bii ndu le vanaa ndɔa co o kuɛi nin-nda.

Nehemi 11:3

Tofa vɔ simlacia fula o kobila bɛndulan nin, má hun cal Yerusalɛm-nda. O vanaa fula o kobila co o tàndá Yuda-o nin-nda tɛɛn, mí vana-vana cal o kobi ndɔɔ nin, vana-vana o fonda ndɔɔ, vanaa kan yɔŋnun haa ni: Israɛlla, vanaa-solia-lasálàá, leviia, Netiniia-a a poaa buɛyaa Salomɔn-nda.

Sakari 1:14

O kon, mí mɛlɛkanɔ va suukanndo a ya-o dimul-la aa: ‹Yonda mà dimi aa: Mɛlɛka-Nɔ-Kpaayaa-Kpow-vo dimi aa: Paŋala bɛndu-bɛndoo co ya o kɔl le kaola ya kaola Yerusalɛm a Siɔn-ndo.

Sakari 2:4

Mí ɲuna aa: ‹Yɛɛ nɛ nda nda co yɛ hunɔɔ tosa?› Mó mulul-la aa: ‹Sumnda ha hin le vanaa-mangalaa-isɔaa kundu tàndá Yuda-o a leela ndalan, mà puusiaa vanndacieea-a vueinɔnndo a le leela ndala lan yimio ni.›

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»