Sakari 1:12 - BII BILA

¹² Mí mɛlɛkanɔ Hala-o cua sɔɛi, mó dimi aa: ‹Éé Mɛlɛka-Nɔ-Kpaayaa-Kpow-vo! O co nihau vɔsilan belaŋɔmmɛw a co o kɔltuwvo nin a Yerusalɛm a á kobila co o tàndá Yuda-o nin-ndan. Mà lo kɛɔ le nda ɲííye tuinɔnndo háá lɔ́ɔ́ kuɛɛ nɛ?›

Sakari 1:12 Referans Kwoze

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Condii lisai 102:13

Kɛ nɔm Mɛlɛka, a co masaa le fɛɛn-fɛɛn, a co Hala le lɔ́ɔ́-lɔ́ɔ̀.

Condii lisai 74:10

Kpòkóó Hala, háá telen kuɛɛ yaamɔɔ lo yɛnin nɔm yeowlan ndan nuaa? Vɛ̀ɛ̀ nuaa o lonin nɔm diolan tɛɛmbuuo ni?

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 69:5

Vanaa nɔ nɛyɔn nuu fondo fúú-a co sɛ́lɛ́, a hiow yiiŋii co ya o lebol-le vaa sɛ́lɛ́. Yaamɔaa co ya kɔɔli fondo fúú-a co sɛ́lɛ́, nduyɛ, a nɔ kpaayaa, a tiwba mà tɛɛmbuu ya. Ɲɛ ya cue loo, ndu nda baŋ ya salaa ni.

Condii lisai 102:10

Cundoo siŋnun ɲɛdiaa nuu, te i va pɛ kolɔɔ, i mel mɛmɛma nian.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Yeremi 15:17

I cel o kunda vanaa mam caanda-a coo le, i dɔwnun ɲaale naa ndaa le. Kɛ má baŋ ya calle ya pilɛ, kani má pei ya a kɔltuwvo.

Yeremi 30:18

O Mɛlɛka dimi-o co hoo ni aa: «I co niaa mingi o fonda niaa paandoo, niaa yungu Yakɔb-o, ɲííye vanin ya a calta ndalan, kobi kɛ́-kɛ̀ minginin tangulɔn o foofola ndɔlan coo, cɛila sɔvɛ-sɔvɛlan la muungunin o fondala ndalan.

Daniɛl 12:6

Mí o pilɔɔ ɲuna langbanɔ va a kola keesoo lekɔɔ mó va isisi o peo coo kɛ o pilan mɛnndan too aa: ‹Lɔ́ɔ́ kuɛɛ dɛnnda kɔndɔfiltan-ndan la cuu yɛnin?›

Habakuk 1:2

Éé Mɛlɛka! Háá lɔ́ɔ́ kuɛɛ ya lo yɛnin nɔm veeloo le malaa sɔlaa nɔm o ba? Nɔm yɛ a co lani yaŋɔɔ le. Háá lɔ́ɔ́ kuɛɛ ya lo yɛnin yondaa a dɛnɛ vɔɔn co tosanndo-o o kɔɔ? Nɔm yɛ a co naa baŋa le.

Condii lisai 79:5

Mɛlɛka, háá lɔ́ɔ́ kuɛɛ n lo yɛnin a kɔltuwvo ho? Háá tuma kuɛɛ paŋala nɔmndo ho lo yɛnin sandei he maa leyin?

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.