Ruti 4:6 - BII BILA

⁶ Mí langbanɔ kon muli aa: «Te lende ni, mɛɛ i tiwnin ba le, yɔŋii kɛ́ nuu laasian. Te nɔm co pɛ baŋa, mɛɛ baŋa.»

Ruti 4:6 Referans Kwoze

Ruti 3:13

Siow niko paalen sel nanu. Te ɲɔɔ tenga pɛ, mì langbanɔ kon yeema le nɔm lòó, a cal sumialii ndɔ. Kɛ te o nɔ yɛ kɔl le nɔm lòò le, te Mɛlɛka co yoomu, i loonin nɔm.»

Tɔŋ lasálàá 25:25

Te kuɛi tol pɛ puapilɛ niaa coo, mì kuɛi ken vem ndu yondola ndɔlan o pilɛ pisio, o vanayan ndɔn tɛɛn, vana nɔ dío le ɲɛm ndɔn baŋaa-o bɛnda mò baŋa yondo kon.

Tɔŋ miingua 25:7

Kɛ te puapilɛ lo kon yoomu-o yeema le lanɔ puapilɛ ndɔɔ mɛi-yo lòó le, cua kon hel o kaasoŋaa kɔlkalua lo nɛɛ nda co o fonda dimia n'sɔɔ o dio kpaki kobio sondoo-a, o kɔ dimul nda aa: ‹Puapilɛ pɔnɔ nuu kɛɛ le diola puapilɛ ndɔ vi-o mɛiyo ceen Israɛlla tɛɛn, o kɛɛ le ya lòó mì siŋnun laa ndɔ. Puapilɛ pɔnɔ nuu o co ni, kɛ o kɛɛ le ya luɛyɔɔ coo.›

O Kandɔɔ 38:8

O kon mí Yuda dimul Onan po ndɔ aa: «A sina ɲɛ n bɛnda le tosaa le bɛ nɔm-ndo: luɛi bɔla nɔm coo mì la va niaa ndu, haliko ma vilul bɛ nɔm cuawva.»

Tɔŋ miingua 25:8

O kon, kaasoŋaa kɔlkalua veelu langbanɔ kon, a soo o ndu lo. Te o sim pɛ lon mò dimi aa: ‹I yeema mì lóó ndu le›,

Tɔŋ miingua 25:9

cua kon sɔɔnguu ndu ikɛi vanaa kɔlkalua o hɔl, o soli ndu samtaa o ipelu, o tufu ndu lɔluan o hɔl. O cii pɛ kon kpede tosa, o dimi aa: ‹Nuaa vana tosal vanapɔnɔ kɛɛ le cɛi puapilɛ ndɔɔ mingio tangullo-o ni.›

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 3:9

Mó ɲuna aa: «Nɛ̀ɛ́-nɛ̀ hini yɛ hoo?» Mí Ruti muli aa: «Ya ni, ya Ruti buɛi nɔm pɛɛn. Cua ya mì va sumialii nɔm, kani nɔm co vanayɛi bɛnda le ya lòó-e ni.»