Ruti 4:4 - BII BILA

⁴ Lelan ya veelu nɔm ni, mì dimul nɔm, haliko ma baŋa ndu kaasoŋaa kɔlkalua cal haa-a a vanaa co nanu-a kpede o hɔl. Taa yeema pɛ le ndu baŋaa, mɛɛ baŋa ndu, taa co yɛ vɛlɛ baŋa le, a dimul-la, i sina. Kani vana-vana bɛnda mò baŋa ndu o nɔm kɔɔli le. Te nɔm faŋan dɔ́ɔ́ pɛ, mɛɛ ya ni.» Mí langbanɔ kon muli aa: «Bala tiɔn, ya co baŋa ni.»

Ruti 4:4 Referans Kwoze

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

2Korɛntea 8:21

Kani n yeema mì n tosa dɛnɛ sandaa Mɛlɛka o hɔl daama le, kɛ vanndacieea kpow bɛɛ o hɔl.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

Yeremi 32:25

Kobio hoo co delɔɔ Babilɔnnda o ba, Maalii Hala, le yɛɛ nɛ n co yɛ ya niko dimullo aa ya piondu lɛŋnden a volion mì cua seiya?»

O Kandɔɔ 23:18

i siŋnun ɲinkon kɛ́ Abraham-ndo Hitiia a vanáà hin o fonda dimia nsɔɔ kobi kon-nda o hɔl.

O Kandɔɔ 23:11

«Yaŋ-ndɔ nilan, vana bɛndoo. I yɔngu nɔm cɛi ken a buulula lan kpow, o co a vɔngu le. Vanaa nia naa n co haa sɔɛi mangalɛi pilɛi dimio mì n va súú pilɔɔ-a o hɔl ya ke nɔm yondo ni kon ni, nda co seiya ni. Kumbu vana vílɛ́i nɔmndo lon.»

Tɔŋ miingua 25:8

O kon, kaasoŋaa kɔlkalua veelu langbanɔ kon, a soo o ndu lo. Te o sim pɛ lon mò dimi aa: ‹I yeema mì lóó ndu le›,

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 3:9

Mó ɲuna aa: «Nɛ̀ɛ́-nɛ̀ hini yɛ hoo?» Mí Ruti muli aa: «Ya ni, ya Ruti buɛi nɔm pɛɛn. Cua ya mì va sumialii nɔm, kani nɔm co vanayɛi bɛnda le ya lòó-e ni.»

Ruti 3:12

I co toɲa maa i bɛnda mì lóó nɔm, kɛ vana celen co, ndu hiow va vanayɛi nda yungu pɔnɔ nɔm vi-o a ya.