Ruti 4:14 - BII BILA

¹⁴ Mí vanlaandua dimul Noemi aa: «Biiloo co le Mɛlɛka, kani a vilul nɔm hau vana landunin hɔlla nɔm coo-o. Màá po nɔm imamaa ho siŋnun vana tɔ́ɔ́ bɛndoo o lɛŋnde Israɛl-ten nin!

Ruti 4:14 Referans Kwoze

Luke 1:58

Mɛɛ vanaa va ndu ikɛi-ya a vanayan ndɔn tuɛi maa Mɛlɛka tosal ndu dɛnɛ kɛndɛ bɛndoo, má dɔawnun ɲaale a ndu latulu.

1Korɛntea 12:26

Te falei ipilɛ sɔla pɛ sangaa, falun tɔ̀un kpow n sanga latulu a ndi. Te ipilɛ sɔla pɛ biiloo, n tɔ̀un kpow n dɔwnun ɲaale a falii ken latulu.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Rɔmnda 12:15

La dɔwnun ɲaale a vanaa co o ɲaaloo nin-nda latulu, mì la caŋ a vanaa co caŋndo-a latulu.

O Kandɔɔ 29:35

Mó cua vɛlɛ folio, mó vialu hɔ́ɔ́ piaandoo. Mó dimi aa: «O laan ndu, i candunin Mɛlɛka. Lelan o ke ndu diolan ni aa Yuda (velanndo pila diola lan la velan a dimio ni aa: O candu).» O kon kɔɔli, mo pɛngi violɔɔ.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»