Ruti 4:13 - BII BILA

¹³ Mí Boas cua Ruti, mó siinguu ndu laa ndɔ, mó lueinun ndu coo. Mí Mɛlɛka ke Ruti dɛnɛ kɛndɛ, mó vialu hɔ́ɔ́ piaandoo.

Ruti 4:13 Referans Kwoze

O Kandɔɔ 33:5

O kon kɔɔli, mí Esau cua hɔlla, mó ca laandaa Yakɔb-a a cuavaa ndɔa. Mó ɲuna ndu aa: «Vanndacieaa kuɛɛ co yɛ haa nɔm kɔɔli?» Mí Yakɔb muli aa: «Kɛndɛi Hala tosal ya vana nɔm baalaa-e n ca nuaa ni. Cuawva ha o dɔw ya o ipulu ni.»

O Kandɔɔ 29:31

Mɛɛ Mɛlɛka ce maa Yakɔb kaola Lea taw le, mó nɛŋi ndu ipulu, mí Lea vialu cuawva. Kɛ Rasɛl ndu ve vana vialaa le.

Ruti 3:11

Lelan, cuanndo, buulan ndɛ le. Ɲɛ-ɲɛ n yeema pɛ, i tosalnin nɔm ndu, kani cieo ho kpow sina nin maa vanalanɔ sɔvɛɔ n co ni.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

Condii lisai 113:9

O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.

1Samiɛl 2:5

Vanaa va a pumaa-a co vallo nuwviaa le ɲɛdiaa sɔlaa, kɛ vanaa va a yiaan-nda, nda buulan ndɛ le vali le. Vanalanɔ vilu loo ndu velu cuawva nda ŋɔmmɛw, kɛ o nɔ cuawva taw-vo co lɛ violɔɔ le.

1Samiɛl 1:27

Le poombɔɔ ho sɔlaa ya va Mɛlɛka piɛiyo ni. Ɛ̀ɛ̀ lekɛ́ndɛi, mí Mɛlɛka ke ya ndu.

Ruti 4:12

Màá hɔ́aa Mɛlɛka co nɔm ke niaa cuaa ho-a siinguu cɛi nɔmndo maa cɛi Perɛs-o, po Tamar vilul Yuda-o pɛɛn!»

O Kandɔɔ 30:2

Mí Yakɔb tambu kɔl a ndu, mó ɲuna ndu aa: «Mò va maa o fonda Hala-o ya co ni? O co Hala le tuŋ nɔm violɔɔ le?»

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

O Kandɔɔ 20:17

Mí Abraham piɛi Hala, mí Hala singi Abimelɛk, laa ndɔ a buɛyaa ndɔa laandua. Mí vanlaandua kan vialu cuawva.