Ruti 4:11 - BII BILA

¹¹ Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

Ruti 4:11 Referans Kwoze

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Condii lisai 132:6

Naa n tueyɔɔ maa kesu kpemaa co Efrata, mí kɔ saalun ndu Yaar, o yondoo nin.

Ruti 1:2

Elimelɛk langbanɔ kon ndóò nɔ diolan ni, laa ndɔ diolan Noemi, poaa ndaa ŋiɔnda o pilɛ diolan aa Malɔn, o pilɔɔ aa Kilyon. Efratiia nda va ni, fulaa o sɔndɔkɔlɔɔ Bɛtlɛhɛm o tàndá Yuda-o nin. Mɛɛ nda tiiya o lɛŋnde Moab len nin, má cal lon.

Tɔŋ miingua 25:9

cua kon sɔɔnguu ndu ikɛi vanaa kɔlkalua o hɔl, o soli ndu samtaa o ipelu, o tufu ndu lɔluan o hɔl. O cii pɛ kon kpede tosa, o dimi aa: ‹Nuaa vana tosal vanapɔnɔ kɛɛ le cɛi puapilɛ ndɔɔ mingio tangullo-o ni.›

O Kandɔɔ 24:60

Má dɔaw Rebeka duaa, má dimul ndu aa: «Nɔm yema naa, màá siŋnun kala-mamaa le vannda vaalan o vaalan nin fɔ́! Màá polale fulanin o nɔm nin-nden le siŋnun polale kpaaya bɛndu, mì yaamɔaa ndaa cal nda o labɛngunin!»

Talelan 14:1

Vanalanɔ kɔlkaloo tangulu cɛi ndɔɔ ni, kɛ vanalanɔ diɔmndo ndu, ndu pila puusiaa ndu a laba ni.

O Kandɔɔ 23:10

Nduyɛ, Efrɔn Hitiinɔ kon va icali nda tɛɛn o fonda nda va sɔɛi ken toosiaa-o. Mó mulul Abraham Hitiaa hun cal o sondo kpaki kobi kon-nda kpow o hɔl aa:

O Kandɔɔ 29:25

Mɛɛ paalen le sɛ, mí Yakɔb sina maa o co nda Rasɛl te lɔl te, kɛ nda Lea ni. Mó kɔ ɲuna Laban bom ndɔ aa: «Dɛnɛ yɛɛ n tosal-lɛ ya hoo? O co le Rasɛl te ya tosal nɔm vallo le? Le yɛɛ nɛ n hui yɛ ya?»

Talelan 31:23

Vana vannda ke bɛɛlen taw-vo pɔnɔ ndɔ co ni. O co kɔlan o fonda dimiaa n'sɔɔ nda kaasoŋaa kɔlkalua kobia.

O Kandɔɔ 29:16

Nduyɛ, Laban ndóò nɔ cuaambɔa laandua nda ŋiɔn. O tasoo diolan aa Lea, o diinndɔɔ Rasɛl.

O Kandɔɔ 35:23

Poaa Lea-a yɔŋnun haa ni: po tase Yakɔb-o yɔŋnun Rubɛn ni, a tɔ̀a va Simeɔn, Levii, Yuda, Isakar a Sabulɔn ni.

O Kandɔɔ 35:24

Poaa Rasɛl-la yɔŋnun haa ni: Yosɛf nda Bɛnyamɛn.

Tɔŋ miingua 25:7

Kɛ te puapilɛ lo kon yoomu-o yeema le lanɔ puapilɛ ndɔɔ mɛi-yo lòó le, cua kon hel o kaasoŋaa kɔlkalua lo nɛɛ nda co o fonda dimia n'sɔɔ o dio kpaki kobio sondoo-a, o kɔ dimul nda aa: ‹Puapilɛ pɔnɔ nuu kɛɛ le diola puapilɛ ndɔ vi-o mɛiyo ceen Israɛlla tɛɛn, o kɛɛ le ya lòó mì siŋnun laa ndɔ. Puapilɛ pɔnɔ nuu o co ni, kɛ o kɛɛ le ya luɛyɔɔ coo.›

1Masaa 21:8

Mí Yesabɛl sɛwviaa sɛbɛlan o diola masaa Akab lan, mó handu pondale lemasalen lecoo, mó yoo kaasoŋaa kɔlkalua a simlacia va o kobi Nabɔt va icali nin-ndo nin-nda sɛbɛla lan.

1Dɛnnda lemasalan 2:51

Salma kelu kobio Bɛtlɛhɛm-ndo a Harɛf kelu kobio Bɛt-Kadɛr-o.

Yeremi 32:10

Mí sɛva sɛbɛla leseilan, mí pila pondale nile ya pila len lecoo, mí tuu volion o ɲɛ tuvaa coo seiya o hɔl.