Ruti 4:10 - BII BILA

¹⁰ mí lóò vɛlɛ Ruti Moabunɔ, mó siŋnun laa nuu, haliko mi diola fɔ̀nɔ̀ɔ́ lan la lo o kɛ́ ndɔɔ coo, yɔŋii diola ndɔlan la ɲum puapilɛa ndɔa tɛɛn a o kobi ndɔɔ nin. Lelan, niaa co hau seiya le dɛnɔɔ ho ni.»

Ruti 4:10 Referans Kwoze

Tɔŋ miingua 25:6

Po tase cua kon vialunin-ndo bɛnda mò cua diola vana vi-o, mò va maa po ndɔ, yɔŋii diola vana vi kon-ndo la ɲum Israɛlla tɛɛn.

Efɛsea 5:25

Niaa vanpiaandua, la kaola laandaa niaa mɛɛ Krista kaola kunda vanaa laalannda háá mì ndu pila yɔngu yoomu ndɔɔ le ndu yɛ.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Osee 12:12

Vanaa co Kalaad-a tosa dɛnnda lahakilan má siŋnun vanaa fondoa. A co sálàlan solio Kilkal a navaa tovaa, kɛ fondala-loamaa-lasálàla ndalan la siŋnunnin powta kundalan o ciɛɔn nin.

Osee 3:2

I co laa nuu baŋa a volin latámán tɔ́ a ŋuɛɛnu a ɔrse kiloo kɛmɛ beleŋuɛɛnu, mì mingin ndu o ba.

Esai 48:19

cuavaa niaa ndáà kuinin maa n'sióón, mí polale fula niaa o ipulu len léè vangalan maa sióóŋun muimuiyon. Diola niaalan láà vɔɔsunnin mí láà ɲum ya o hɔl te few.

Talelan 19:14

Vana tiwba mà loo cɛiyo a ɲɛm kɛndɔn kɛ́ɔ fulaa fuɲaa-mamaa o ba. Kɛ lanɔ taasio ndu, Mɛlɛka ke vana ndu ni.

Talelan 18:22

Vanndo sɔla pɛ lanɔɔ, o sɔla dɛnɛ kɛndɔɔ, kɛndɛi Mɛlɛka tosal ndu-e co ken ni.

Condii lisai 109:15

Màá Mɛlɛka va hakila ndalan cɔu lɔ́ɔ́-lɔ́ɔ̀, mò faŋa nda o lɛŋnden coo, mì vana pɔɛɛnun a nda o kɔɔ!

Condii lisai 34:16

Hɔlta Mɛlɛka lan la co vanaa sandaa coo, nila ndɔlan la co veelula ndalan tueyɔɔ.

Yosue 7:9

Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

O Kandɔɔ 29:27

Lelan, siow niko palɛi ŋɔmmɛwve niaa Lea. Taa yeema pɛ mà sɔla vɛlɛ Rasɛl, mɛɛ tosal-la vɛlɛ vallo vɔsilan laŋɔmmɛw.»

Ruti 4:9

O kon mí Boas dimul kaasoŋaa kɔlkalua a vanaa va lon-nda kpow aa: «Niaa kpow la co hau lesei mí baŋa Noemi ɲɛm fɔ̀nɔ̀ɔ́ Elimelɛk-on, ɲɛm Kilyon-ndon a ɲɛm Malɔn-ndon o ba,

O Kandɔɔ 38:9

Onan ndóò sina maa cuavaa o va violɔɔ-a ndáà venin cuavaa ndɔ le. Lelan, lɔ́ɔ́-lɔ́ɔ̀ ndáà bɔŋa pɛ nda bɔla ndɔ o kpelemɔɔsaa nin, ndóò cuiŋi mɛmma ivanapɔnɔyama ndɔan lɛŋ, yɔŋii ndóò vilul bɛ ndɔ vi-o cuawva.