Ruti 4:1 - BII BILA

¹ Mí Boas kɔa, mó kɔ cal o dio kobio sondoo. Fɔ́ɔ́fɔ̀, mí vana baŋaa ndu Boas ndóò dimul Ruti sɔɛi ndɔɛi-yo va hiovɔɔ o fonda kon. Mó veelu ndu aa: «Caan ni sei! Sɔɔnguu vɔ nanu mà cal.» Mí langbanɔɔ kɔa, mó cal.

Ruti 4:1 Referans Kwoze

Ruti 3:12

I co toɲa maa i bɛnda mì lóó nɔm, kɛ vana celen co, ndu hiow va vanayɛi nda yungu pɔnɔ nɔm vi-o a ya.

Tɔŋ miingua 25:7

Kɛ te puapilɛ lo kon yoomu-o yeema le lanɔ puapilɛ ndɔɔ mɛi-yo lòó le, cua kon hel o kaasoŋaa kɔlkalua lo nɛɛ nda co o fonda dimia n'sɔɔ o dio kpaki kobio sondoo-a, o kɔ dimul nda aa: ‹Puapilɛ pɔnɔ nuu kɛɛ le diola puapilɛ ndɔ vi-o mɛiyo ceen Israɛlla tɛɛn, o kɛɛ le ya lòó mì siŋnun laa ndɔ. Puapilɛ pɔnɔ nuu o co ni, kɛ o kɛɛ le ya luɛyɔɔ coo.›

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

SƐBƐ YƆB-O 31:21

Te i heelu pɛ baa mí lɔaa vííyo, le tùú ya sina maa vanaa kialaa n'yamaa co ya hunɔɔ dio ke nɛɛ kialaa n'yamaa-o,

SƐBƐ YƆB-O 29:7

Te yáà fula pɛ le kɔlan o dio luɛyaa kobio, te yáà cii pɛ fonda calaa toosiaa le calle lon,

Tɔŋ miingua 21:19

fuɲa ndɔ a kala ndɔ a bii ndu, a yoo kaasoŋaa kɔlkalua co o kobi kon nin-nda ndu o dio luɛyaa kobi kon.

Sakari 2:6

Mí ɲuna ndu aa: ‹Kuɛɛ nɛ n co yɛ kɔlan?› Mó muli aa: ‹Yerusalɛm ya co kɔlan tuuvo ni, le bu ndɔɔ a bandii ndɔɛi sinaa.›

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

O Kandɔɔ 23:10

Nduyɛ, Efrɔn Hitiinɔ kon va icali nda tɛɛn o fonda nda va sɔɛi ken toosiaa-o. Mó mulul Abraham Hitiaa hun cal o sondo kpaki kobi kon-nda kpow o hɔl aa:

O Kandɔɔ 34:20

Mí Hamɔr kɔa nda po ndɔ kon o dio kobi ndaa sondoo, má dimul pilacieaa ndaa aa:

Yosue 20:4

Vana dii kon vanndo-o ɲaanun pɛ mò tiiya le luɛyɔɔ o kobi kon nin, o sim o dio luɛyaa kobio, o downun kaasoŋaa kɔlkalua kobi-a kona a dɛnɛ komal ndu-o o kɔɔ, nda sɛɛna ndu, a ke ndu yiyaa, o cal ciee lon.

Ruti 3:18

Mí Noemi dimi aa: «Calnun kpɛ́, cuanndo, háá ma sina mɛɛ dɛnɔɔ ho co mɛɛlu yɛ. Kani fɔ mì langbanɔ kon cii hau sɔɛi he toosiaa malan kɔllo hini ndu nin.»

2Samiɛl 15:2

Idii púŋ, ndóò kɔ cal o nɛi dio luɛyaa kobio ikɛi. Telen oo telen ndóò ce pɛ vana sɛɛngian nda vana celen-ndo hiovɔɔ le kɔlan o masaa lo le nda yamɛi kiolɔɔ tɛɛn, Absalɔm ndóò veelu vana kon, ndóò ɲuna ndu aa: «O kobi kuɛɛ nin n fula yɛ?» Te vana kon ndóò mulul ndu pɛ aa: «O polale vaa nuaa nin ya fula o Israɛl tɛɛn ni»,

2Dɛnnda lemasalan 18:9

Masa Israɛlla a Yosafat masaa Yuda va icali nda ŋiɔn kpow o kpɛŋɛla lemasala ndalan coo, o falii va o dio luɛyaa kobio Samari-e hɔl-ndɔ-e a volɔɔla lemasalan lekɔɔ, mí vanaa-tɛɛngaa-diom Hala-a kpow a va sɔɔn tosannin-ndon dimio nda o hɔl.

Condii lisai 69:12

I vownun volɔɔla biisilan, mí nda va ya cuunduuo o condon nin.

Talelan 31:23

Vana vannda ke bɛɛlen taw-vo pɔnɔ ndɔ co ni. O co kɔlan o fonda dimiaa n'sɔɔ nda kaasoŋaa kɔlkalua kobia.

Yeremi 32:10

Mí sɛva sɛbɛla leseilan, mí pila pondale nile ya pila len lecoo, mí tuu volion o ɲɛ tuvaa coo seiya o hɔl.

O Kandɔɔ 19:1

Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.