Ruti 3:9 - BII BILA

⁹ Mó ɲuna aa: «Nɛ̀ɛ́-nɛ̀ hini yɛ hoo?» Mí Ruti muli aa: «Ya ni, ya Ruti buɛi nɔm pɛɛn. Cua ya mì va sumialii nɔm, kani nɔm co vanayɛi bɛnda le ya lòó-e ni.»

Ruti 3:9 Referans Kwoze

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 3:12

I co toɲa maa i bɛnda mì lóó nɔm, kɛ vana celen co, ndu hiow va vanayɛi nda yungu pɔnɔ nɔm vi-o a ya.

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

1Samiɛl 25:41

Mí Abikail can, mó baŋ vulan nda o labɛngunin, mó tundu hɔlla lɛŋ, mó dimi aa: «Tofa vɔ, maa cɛ laandu pulu buɛyaa masa nuu bɛngulan-ndo ya co ni.»

Ruti 3:8

A di-tɛɛndo kínɛí, mí Boas yinga. Mɛɛ o mulin, mó ca vanalanɔɔ ihini ndu o pelon bɛngu.

Ruti 3:10

Mí Boas dimi aa: «Màá Mɛlɛka dɔw nɔm duaa, cuanndo! Ɲɛ n tosa vɛlɛ hoo handɔɔ o ɲɛ tase n tosa-o coo-o cɔm yungu kala-lɛɛ nɔm-ndo maa vanaciee sɔvɛɔ n co ni. Kani a del langbaa felengia nɔ bolofaa-a, te kon te a co a bala fondoa-a kɔɔli le.

Ruti 4:4

Lelan ya veelu nɔm ni, mì dimul nɔm, haliko ma baŋa ndu kaasoŋaa kɔlkalua cal haa-a a vanaa co nanu-a kpede o hɔl. Taa yeema pɛ le ndu baŋaa, mɛɛ baŋa ndu, taa co yɛ vɛlɛ baŋa le, a dimul-la, i sina. Kani vana-vana bɛnda mò baŋa ndu o nɔm kɔɔli le. Te nɔm faŋan dɔ́ɔ́ pɛ, mɛɛ ya ni.» Mí langbanɔ kon muli aa: «Bala tiɔn, ya co baŋa ni.»

Ruti 4:6

Mí langbanɔ kon muli aa: «Te lende ni, mɛɛ i tiwnin ba le, yɔŋii kɛ́ nuu laasian. Te nɔm co pɛ baŋa, mɛɛ baŋa.»