Ruti 3:3 - BII BILA

³ Lelan pulun, mà suinun cuɛiyan, mà vownun volɔɔla nɔmnda hiow naŋɔɔ lan, mà kɔɛ o kpele lɔaa n'mal kon coo. Kɛ nduyɛ, keleŋa ndu fula o hɔl te. Mɛɛ mò cii fɔlɔn dioo a kolɔɔ.

Ruti 3:3 Referans Kwoze

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

Ɛstɛr 5:1

O paale yàándɔlen coo, mí Ɛstɛr mingin volɔɔla ndɔla lemasalan lekɔɔ, mó kɔ sim o bɛ́ɛ̀ va o cɛi lemasaa tɛɛn-ndo, o cɛila masaa va nin-ndan sondoo. Masaa va icali o kpɛŋɛ ndɔ lemasaa nin o dio bɛndoo sanaa.

Matie 6:17

Kɛ nɔm, taa va pɛ sumndo biyɔɔ, pulu hɔlla, mà suinun cuɛima cun kɛndɛan o lebol,

Vana Kɔlkaloo 9:8

Vá ɲɛ cuɛiyan kɛndɔɔ vownɔnndo lɔ́ɔ́-lɔ́ɔ̀, pɔɛɛnun le cuɛima cun kɛndɛan suunɔnndo o lebol te.

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

Ruti 3:2

Nɔm pila sina nin maa Boas n kɔa kon baalaa niaa buɛyaa ndɔa laandua-o, vanayɛi nɛi o co ni. Nduyɛ, cɔɛllɛn o co lakɔ ɔrse ndɔɔ lɔɔ a hɛiyo o kpele lɔaa n'mallo coo.

Ruti 3:4

Telen o vanin hinilan-ndo, a dɔw fonda o co lakɔ lahini-o taasi. O kon, a kpeeŋa ndu kolaa o n'pelu, a hini lon. Ndu pila dimulnin nɔm ɲɛ n bɛnda le tosaa-o.»

2Samiɛl 12:20

Mí David can ihini lɛŋ, mó pulun few, mó suunun cuɛima cun kɛndɛan, mó mangalan volɔɔlan lekɔɔ. O kon kɔɔli, mó kɔa o Cɛi-Mɛlɛka-o nin le Hala piɛiyo. Mɛɛ o muungu o ndu lo, mó ɲuna ɲɛdiaa, má ke ndu, mó dia.

Esekiɛl 16:9

Mí pulu nɔm o mɛnndan nin, mí faaŋiaa kooma va nɔm ma suinan-ndan, mí suu nɔm cuɛiyan.