Ruti 3:14 - BII BILA

¹⁴ Mí Ruti lo ihini Boas o pelon bɛngu. Ɲɔɔ va vɔ mɔmìì, vanáà sina vɔ vana le, mí ndu Ruti fula. Kani Boas ndóò yeema mì vana ndóò sina maa cua kon ndóò kɔɛ o kpele lɔaa n'mal kon nin te.

Ruti 3:14 Referans Kwoze

2Korɛntea 8:21

Kani n yeema mì n tosa dɛnɛ sandaa Mɛlɛka o hɔl daama le, kɛ vanndacieea kpow bɛɛ o hɔl.

Rɔmnda 14:16

La cɛl mì vannda dimi sɔɔn vɔɔnndon a ɲɛ niaa yiyan maa o naŋ-ndo o kɔɔ le.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

1Tesalonikea 5:22

La mandán le dɛnnda vɔɔnndan kpow.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

Vana Kɔlkaloo 7:1

«Diola kɛndɛlan nɔu co fisa a cuɛima cun kɛndɛan suinɔnndo, paale piɔ́mnden le co fisa a paale vialannden.

Ruti 3:15

Mí Boas dimul ndu aa: «Pɛngɛlal-lɔ ya doma bɛndu n nɔ hoo lekɔɔ-o, ma saa ndu kpíŋ.» Mɛɛ o pɛngɛla, mí Boas tuu ɔrse pani bɛndoo leŋɔmpum, mó siiluu ndu, mí Ruti muungu ciee.