Ruti 3:13 - BII BILA

¹³ Siow niko paalen sel nanu. Te ɲɔɔ tenga pɛ, mì langbanɔ kon yeema le nɔm lòó, a cal sumialii ndɔ. Kɛ te o nɔ yɛ kɔl le nɔm lòò le, te Mɛlɛka co yoomu, i loonin nɔm.»

Ruti 3:13 Referans Kwoze

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Ruti 4:5

Kɛ mí Boas dimul ndu aa: «Paale n baŋanin yondo kon Noemi o ba len, a lóó vɛlɛ Ruti Moabunɔ, lanɔɔ fɔ̀nɔ̀ Malɔn pɛɛn, haliko mi diola fɔ̀nɔ̀ɔ́ lan la lo o kɛ́ ndɔɔ coo.»

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Hebreea 6:16

Kani vanndacieea va pɛ mɛnanndo, a mɛnan o diola vana hiow nda-o. Mɛnan kon tosà ni mì vannda laalan sɔɛi ndɔɛi, mì sɛɛngianndo cuu.

Masaa kialaa n'yamaa 8:19

Mó dimul nda aa: «Ndepilɛa nia nda va ni, kala pilɔɔ kpé naa n va ni. Le Mɛlɛka yoomaa, te niáà dii nda lɔ́ɔ́ kon te, ya bɛɛ i ve niaa diyɔɔ le.»

2Korɛntea 1:23

Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

Ruti 3:12

I co toɲa maa i bɛnda mì lóó nɔm, kɛ vana celen co, ndu hiow va vanayɛi nda yungu pɔnɔ nɔm vi-o a ya.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Ruti 4:6

Mí langbanɔ kon muli aa: «Te lende ni, mɛɛ i tiwnin ba le, yɔŋii kɛ́ nuu laasian. Te nɔm co pɛ baŋa, mɛɛ baŋa.»