Ruti 3:12 - BII BILA

¹² I co toɲa maa i bɛnda mì lóó nɔm, kɛ vana celen co, ndu hiow va vanayɛi nda yungu pɔnɔ nɔm vi-o a ya.

Ruti 3:12 Referans Kwoze

Ruti 4:1

Mí Boas kɔa, mó kɔ cal o dio kobio sondoo. Fɔ́ɔ́fɔ̀, mí vana baŋaa ndu Boas ndóò dimul Ruti sɔɛi ndɔɛi-yo va hiovɔɔ o fonda kon. Mó veelu ndu aa: «Caan ni sei! Sɔɔnguu vɔ nanu mà cal.» Mí langbanɔɔ kɔa, mó cal.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Matie 7:12

Ɲɛ-ɲɛ niaa yeema pɛ mì caanda tosal niaa, mɛɛ niaa bɛɛ la tosal nda lende, kani lende tɔŋndo a vanaa-tɛɛngaa-diom Hala-a dimi ni.»

Ruti 3:11

Lelan, cuanndo, buulan ndɛ le. Ɲɛ-ɲɛ n yeema pɛ, i tosalnin nɔm ndu, kani cieo ho kpow sina nin maa vanalanɔ sɔvɛɔ n co ni.

Ruti 3:13

Siow niko paalen sel nanu. Te ɲɔɔ tenga pɛ, mì langbanɔ kon yeema le nɔm lòó, a cal sumialii ndɔ. Kɛ te o nɔ yɛ kɔl le nɔm lòò le, te Mɛlɛka co yoomu, i loonin nɔm.»

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 4:4

Lelan ya veelu nɔm ni, mì dimul nɔm, haliko ma baŋa ndu kaasoŋaa kɔlkalua cal haa-a a vanaa co nanu-a kpede o hɔl. Taa yeema pɛ le ndu baŋaa, mɛɛ baŋa ndu, taa co yɛ vɛlɛ baŋa le, a dimul-la, i sina. Kani vana-vana bɛnda mò baŋa ndu o nɔm kɔɔli le. Te nɔm faŋan dɔ́ɔ́ pɛ, mɛɛ ya ni.» Mí langbanɔ kon muli aa: «Bala tiɔn, ya co baŋa ni.»