Ruti 3:10 - BII BILA

¹⁰ Mí Boas dimi aa: «Màá Mɛlɛka dɔw nɔm duaa, cuanndo! Ɲɛ n tosa vɛlɛ hoo handɔɔ o ɲɛ tase n tosa-o coo-o cɔm yungu kala-lɛɛ nɔm-ndo maa vanaciee sɔvɛɔ n co ni. Kani a del langbaa felengia nɔ bolofaa-a, te kon te a co a bala fondoa-a kɔɔli le.

Ruti 3:10 Referans Kwoze

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 1:8

Kɛ ndáà tiiyaa nɛi-tɛɛn, mí Noemi dimul laandaa poaa ndɔa kan aa: «La kɔnnun. Vana-vana muungun o yungu kala ndɔ-o nin. Màá Mɛlɛka tosal niaa dɛnɛ kɛndɔɔ mɛɛ niaa bɛɛ tosal poaa nia vi-a a ya pila dɛnɛ kɛndɔɔ yɛ!

Ruti 2:4

O viw bɛɛ ka-ka le, mí Boas pila fula Bɛtlɛhɛm, mó hun. Mó yil vanvalla, mó dimi aa: «La nuvali a vallo! Màá Mɛlɛka lo niaa ikɛi!» Mí vanvalla mulul ndu aa: «Mbaa! Màá Mɛlɛka dɔw nɔm duaa!»

O Kandɔɔ 24:31

mó dimul ndu aa: «Hun o yiya o naa lo cɛinin, nɔm Mɛlɛka dɔw hoo duaa-o. Vɛ ma va isisi ciee-lekɔɔ nanu? I cii nɔm cɛi hinia toosial, mí bɛɛndiaa vɛlɛ fondaa le ɲɔɔmɛaa nɔmnda.»

Ruti 3:9

Mó ɲuna aa: «Nɛ̀ɛ́-nɛ̀ hini yɛ hoo?» Mí Ruti muli aa: «Ya ni, ya Ruti buɛi nɔm pɛɛn. Cua ya mì va sumialii nɔm, kani nɔm co vanayɛi bɛnda le ya lòó-e ni.»

1Samiɛl 15:13

Mɛɛ Samiɛl tiiya Saul ikɛi, mí Saul dimul ndu aa: «Màá Mɛlɛka dɔw nɔm duaa! I cii sɔɛi Mɛlɛka dimi-e tosa.»

Ruti 2:11

Mí Boas mulul ndu aa: «Vannda cɔm ya ɲɛ-ɲɛ n tosal kala-lɛɛ nɔm, lɔ́ɔ́ pɔnɔ nɔm vi-o, má mal fuɲa nɔm, kala nɔm a lɛŋnde nɔmnden le hunɔɔ calle vanaa nɔm óò sina paandu le-a tɛɛn.