Ruti 3:1 - BII BILA

¹ Paale pum, mí Noemi kala-lɛɛ Ruti dimul ndu Ruti aa: «Cuanndo, i co kindin o nɛi oo nɛi coo ma sɔla caltan, haliko ma va a kɔlɲulu.

Ruti 3:1 Referans Kwoze

Ruti 1:9

Màá Mɛlɛka ke niaa piaandua celen, mì calta sɛnɛila lan la yelelal niaa!» O kon, mó kɔɔmian nda, má hiiliaa hiko-hiko a caŋndo.

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

1Korɛntea 7:36

Te vanapɔnɔɔ pum yiyan pɛ maa o co dɛnɛ kɛndɛ mò manda balufaa ndɔ, mì telen nda bɛnda le calle o nɔ̀u nin-ndo tiiya, mɛɛ o tosa mɛɛ o yeema yɛ, o ve dɛnɛ haki le ndu le. O bɛnda mà cal o nɔ̀u nin.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

O Kandɔɔ 40:14

Kɛ a yandi fallo, te sɔɛi nɔmnde cuu pɛ toosian, mà muungu o vali nɔmndo nin, yiyan ya coo ma tuinun ya iɲíí, ma soo o Faraɔnnɔɔ lo, mò soli ya o kaasoo ho.

Ruti 2:23

Le hee, mí Ruti lo kɔlan nda buɛyaa laandua Boas-a le yasalan cɔwviaa háá mí ɔrse cuu kovɔɔ, mí maalon bɛɛ n cuu kovɔɔ. Kɛ nda kala-lɛɛ ndɔ tuŋ vannun cɛinin ni.

Ruti 3:2

Nɔm pila sina nin maa Boas n kɔa kon baalaa niaa buɛyaa ndɔa laandua-o, vanayɛi nɛi o co ni. Nduyɛ, cɔɛllɛn o co lakɔ ɔrse ndɔɔ lɔɔ a hɛiyo o kpele lɔaa n'mallo coo.