Ruti 2:9 - BII BILA

⁹ Mɛɛndan ciɛi he ɲɛkɛndɛi, ma tofa nɛɛ nda co kovɔɔ-a, ma kɔɛ vanlaandua kɔɔli kpɛɛlun. I cii poambɔa nia piaandua tɔŋndo hendul yɔŋii nda sui nɔm poopoo. Te kolɔɔ bii nɔm pɛ, a kɔɛ nɛɛ fɛngɛlan la co-a, a kɔ kol mɛmma nda kɔndu-an.»

Ruti 2:9 Referans Kwoze

1Nsaŋ 5:18

N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.

O Kandɔɔ 20:6

Mí Hala mulul ndu o lɔma sɔlaama pilɛma man nin aa: «Ya pila bɛɛ i sina maa o co a kɔlvesɛi le n tosa dɛnɔɔ ho le. Le kɔlɔ kon ya kuuna nɔm hakio tosaa ni, kani i cɛl ma sina ndu vanalanɔ le.

1Korɛntea 7:1

I mulul-lɔ niko niaa le sɔɔn niaa ɲuna ya o sɛbɛ niaa nin-ndon. O co dɛnɛ kɛndɛ, te o va pɛ mì vanapɔnɔɔ puu lanɔ le.

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

Talelan 6:29

Lende koni i co vɛlɛ a vanapɔnɔ co a lanɔ pilaa-o ni. Vana-vana yɛɛnun pɛ ndu ba, ndu tuisin sangaa coo.

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

SƐBƐ YƆB-O 19:21

La tuinun ya iɲíí, niaa co caaŋaa nia-a, la tuinun ya iɲíí yandi! Kani ba Hala-o soŋ ya.

Ruti 2:8

O kon, mí Boas dimul Ruti aa: «Yaŋ nilan ɲɛkɛndɛi, cuanndo! Hali ma kue yasalan cɔwviaa o ciɛi vana celen nin te, lo nanu mì la va baalaa niaa buɛyaa nia laandua latulu.

Ruti 2:10

Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»