Ruti 2:4 - BII BILA

⁴ O viw bɛɛ ka-ka le, mí Boas pila fula Bɛtlɛhɛm, mó hun. Mó yil vanvalla, mó dimi aa: «La nuvali a vallo! Màá Mɛlɛka lo niaa ikɛi!» Mí vanvalla mulul ndu aa: «Mbaa! Màá Mɛlɛka dɔw nɔm duaa!»

Ruti 2:4 Referans Kwoze

2Tesalonikea 3:16

Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!

Luke 1:28

Mí mɛlɛkanɔɔ luɛi o ndu lo, mó dimul ndu aa: «Dɔwnun ɲaale, nɔm sɔla hoo dɛnɛ kɛndɔɔ fulaa Hala o ba-o, Mɛlɛka co nɔm ikɛi.»

Masaa kialaa n'yamaa 6:12

Mí mɛlɛkanɔ Hala-o fulal ndu ceen, mó dimul ndu aa: «Mɛlɛka co nɔm ikɛi, nɔm kuubanɔɔ dialun fulaa ho!»

2Timote 4:22

Màá Mɛlɛka manda kɔl nɔmndo! Màá o tosal niaa kɛndɛi! Amiina!

Condii lisai 118:26

Duaa co le vana hin o diola Mɛlɛka lan-ndo. N malnun balikaa o Cɛi-Mɛlɛka-o nin.

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

1Timote 6:2

Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

Ruti 2:3

Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

Ruti 2:5

Mí Boas ɲuna vana va vanaa koavaa bollen-ndo aa: «Cuaambɔ laandu nɛ̀ɛ́-nɛ̀ co yɛ hoo?»

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

Kundalan 6:24

Màá Mɛlɛka dɔw nɔm duaa mò kanda nɔm!

Masaa kialaa n'yamaa 6:16

Mí Mɛlɛka dimi aa: «Ya pila vanin nɔm ikɛi, a koaŋnin Madiannda mɛɛ vana del vana pilɛ coo nuaa ma koŋ ndu yɛ.»

1Samiɛl 17:37

Mí David dimi vɛlɛ aa: «Mɛlɛka kanda ya lɔ́ɔ́ kon, yɛmbɛn yàlàá a yɛmbɛn kɔ́lɔ́vúloo n nɔla ya loo, kandanin vɛlɛ ya. Nduyɛ Filistinɔɔ ho bɛɛ nɔlanin ya le.» O kon, mí Saul dimul ndu aa: «Mɛɛ kɔ! Màá Mɛlɛka va nɔm ikɛi!»

1Dɛnnda lemasalan 2:51

Salma kelu kobio Bɛtlɛhɛm-ndo a Harɛf kelu kobio Bɛt-Kadɛr-o.

Condii lisai 134:3

Màá Mɛlɛka, o cɔw halataalaa a lɛŋnden-ndo dɔw niaa duaa fulaa nɛɛ o co Siɔn-nda!

Yeremi 31:23

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «Telen ya minginin tàndá Yuda-o a kobila ndɔlan maa paandu-o, vannda diminin vɛlɛ aa: ‹Màá Mɛlɛka dɔw nɔm duaa, calta dɛnɛ sandaa, pembii diandɛi!›