Ruti 2:3 - BII BILA

³ Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

Ruti 2:3 Referans Kwoze

2Tesalonikea 3:12

O naa n co vanaa kan dimul o diola Maalii Yeesu Krista lan-ndo co hoo ni, a tosà vallo a kɔlɲuloo, mà sɔla ɲɛdiaa le nda pila.

Luke 10:31

Vana-solia-lasálàá pum lo kɔlan o nɛi kon, mó ca langbanɔ nda lɔ́ɔ́ kon-ndo, mó kei o nɛiyo baa pilɔɔ, mó hiawnun.

Matie 10:29

Vɛ̀ɛ̀ o co tààngáà ndu pilɛ le nda pisi nɛ́ɛ̀nɛ́ɛ̀a nda ŋiɔn te? Nduyɛ hali o pilɛ del lɛŋ te, te Fuɲa niaa co o halataala-o sina ndi le.

2Masaa 8:5

Tuma Kehasi va masaa dimullo mɛɛ Elise mingi vana vílɛ́iyo yoomu yɛ-o kpafii, mí cua Elise ndóò mingi kon po ndɔɔ yoomu-o hun o masaa lo le sɔɛi cɛi ndɔɔ a yondo ndɔɔ. Mí Kehasi dimi aa: «Masaa sei, cua o mingul kon po ndɔɔ yoomu-o nda po ndɔ kon kpeekpei co haa hunɔɔ ni.»

Ruti 2:2

Paale pilɛ, mí Ruti Moabunɔ dimul Noemi aa: «I yeema mì kɔɛ kela yasalan o ciɛɔn nin vanaa koavaa kɔɔli. Nɛɛ nda cɛl-la pɛ, i cɔwviaa lon.» Mì Noemi mulul ndu aa: «O naŋ, kɔ cuanndo.»

Ruti 2:4

O viw bɛɛ ka-ka le, mí Boas pila fula Bɛtlɛhɛm, mó hun. Mó yil vanvalla, mó dimi aa: «La nuvali a vallo! Màá Mɛlɛka lo niaa ikɛi!» Mí vanvalla mulul ndu aa: «Mbaa! Màá Mɛlɛka dɔw nɔm duaa!»

2Samiɛl 1:6

Mí langbanɔɔ muli aa: «I va o pembei Kilboa coo, kpafii mí ca Saul tundɔnndo o bál ndɔɔ coo, mí vanaa ɲaanun ɲɛla ɲaanannda soa nan-ndan-nda a vanaa ɲaanun o soa coo-a hun tiila ndu.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»