Ruti 2:2 - BII BILA

² Paale pilɛ, mí Ruti Moabunɔ dimul Noemi aa: «I yeema mì kɔɛ kela yasalan o ciɛɔn nin vanaa koavaa kɔɔli. Nɛɛ nda cɛl-la pɛ, i cɔwviaa lon.» Mì Noemi mulul ndu aa: «O naŋ, kɔ cuanndo.»

Ruti 2:2 Referans Kwoze

Tɔŋ lasálàá 23:22

Telen niaa vanin ciɛɔn niaan kovɔɔ-o, la bɛnda mì la kow mun háá o dangaltan te. Yasala vanin delio lan bɛɛ, la cɔwviaa lan te. La mel vanaa ikɔɔa a mialla ɲɛm mun. Ya co Mɛlɛka ni, Hala niaa pɛɛn.›»

Tɔŋ lasálàá 19:9

Lɔ́ɔ́ niaa tiiyanin o lɛŋnde ya yɔngu niaa len nin mì la cal-lo, la vàá pɛ ciɛɔn mì la va mun kovɔɔ, la cii mun kovɔɔ háá o dangalaa le, la cɔ́wviàà vɛlɛ yasala vanin delio o kovɔɔ lan te.

Ruti 2:7

Hunɔɔ mó tɛɛlun aa o yeema le yasalan cɔwviaa o tɛwvo nin vanaa koavaa kɔɔli. Kabi diilɛn, fɔ sisa mó langa pɛngi ɲɛ-pɔmbɔ.»

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Tɔŋ lasálàá 19:10

La múúngù vɛlɛ o nakɔla n'rɛsɛnnda niaala nin mì la kɛndu kpɔ̀nyɔ̀la koamaala niaa pɔɛɛnun-ndan te, la cɔ́wviàà rɛsɛŋun deli lɛŋ-ndon te. La bɛnda mì la mɛi ɲɛm mun le vanaa ikɔɔa a le mialaa co icali niaa o bɛngu coo-a. Ya co Mɛlɛka ni, Hala niaa pɛɛn.

Ruti 2:3

Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

O Kandɔɔ 32:6

O sɔla nawva, sofɛlɛa, saa, cuinnda, buɛyaa piaandua a à laandua. Lelan o vem naa o nɔm ndo ni haliko ma cɛl ndu.»

1Samiɛl 1:18

Mí Anɛɛ dimi aa: «Màá buɛi nɔm laandoo sɔla dɛnɛ kɛndɛ nɔm o ba!» Mí Anɛɛ kɔannun, mó cɛl le ɲɛdiaa dioo. Mó pɛngi suumaa.