Ruti 2:12 - BII BILA

¹² Màá Mɛlɛka mingul nɔm dɛnɛ kɛndɔɔ le dɛnɛ kɛndɛ nɔmndo! Màá Mɛlɛka Hala Israɛlla, o n hin vionnɔnndo o kumbanndo bɛngu-o cɔ nɔm ɲia, mò mingul nɔm dɛnɛ kɛndɔɔ!»

Ruti 2:12 Referans Kwoze

Condii lisai 36:7

Maa pembun vilɛi-vilɛiyon sandii nɔmnde co ni. Yaman nɔmndon yingila maa soon yingilaa. Mɛlɛka, nɔm co vanndacieea a visia ciindiaa ni.

Condii lisai 91:4

O kuumbuunin nɔm a kumbannda ndɔlan, mà vennun o bɔɔla ndɔlan bɛngu. Toɲa ndɔɔ vanin kɔ̀ɔ̀ cɔwvo a kpakio le nɔm ni.

Condii lisai 63:7

I hini pɛ o kpele nuu coo, i yiyan nɔm coo, icɔl pii, i co kɔllo keelaa nɔm coo.

Condii lisai 17:8

Manda ya maa hɔlte kúlte nɔmnden, vion ya o vunduma kumbannda nɔmndan bɛngu,

Condii lisai 61:4

Kani nɔm co nɛɛ nia viannannda ni, nɔm co cɛi coocoo vian ya le yaamɔaa nia-o ni.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

1Samiɛl 24:19

A soli hau vanakɛndɛyɛi n co ya tosallo-e ceen vakpa, kani Mɛlɛka ndóò cii nin ya malɔɔ nɔm o ba, kɛ a dii ya le.

Ruti 1:16

Kɛ mí Ruti mulul ndu aa: «Baŋ ya le muungoo o ya lo mì faŋan nɔm kɔɔli le. Nɛɛ-nɛɛ n kɔɛ pɛ, ya bɛɛ i kɔɛ lon, nɛɛ n vanin icali-a, lon ya bɛɛ vanin icali ni, vanaa nɔmnda siŋnunnin vanaa nia, mì Hala nɔmndo siŋnun Hala nuu.

Condii lisai 57:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni. Telen David hɛlun Saul o buululan nin mó ɲaanun-ndo o soli condei he ni aa:

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 5:12

La naŋ kɔl mì la dɔwnun ɲaale, kani vɔ̀ngɔ̀ niaa vanin o bɔɔ o halataala. Kani lende nda tol vanaa-tɛɛngaa-diom Hala-a hiow niaa laci-a yɛlen ni.»

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Timote 1:18

Màá Maalii tosa mì Mɛlɛka tuinun ndu iɲíí o paale kialaa iyamalen. Nɔm pila sínà mɛɛ o mala ya taw Efɛs yɛ.

Matie 6:1

«La caa dɛ, la tosà dɛnɛ kɛndɔɔ vannda o hɔl haliko ma candu niaa le, yɔŋii niaa fola vɔ̀ngɔ̀ niaa bɛnda le sɔlaa-o Fuɲa niaa co o halataala-o o ba.

Talelan 23:18

O kon a sɔlanin siɔdii laci kɛndɔɔ, nduyɛ tiindan nɔmndo helunnin nɔm te.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Condii lisai 19:11

Mun hiow vaa n'sɔvɛ a sianion, n hiow siani diandan naŋɔɔ, n hiow lɛma co fulaa o vàálan nin-ndan yeelaa.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Ruti 2:11

Mí Boas mulul ndu aa: «Vannda cɔm ya ɲɛ-ɲɛ n tosal kala-lɛɛ nɔm, lɔ́ɔ́ pɔnɔ nɔm vi-o, má mal fuɲa nɔm, kala nɔm a lɛŋnde nɔmnden le hunɔɔ calle vanaa nɔm óò sina paandu le-a tɛɛn.

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

Ruti 4:15

Poo ho kenin nɔm yoomuma sɛnɛi, mó hun manda nɔm o yuuvɛi nin. Kani lanɔ kaola nɔm-ndo velu ndu ni. Lanɔɔ ho co fisa le nɔm hiovɔɔ poaa nda ŋɔmmɛw coo.»

Yeremi 31:16

Kɛ ɲɛ Mɛlɛka dimul ndu-o co hoo ni aa: «Mei caŋndo mà vɔɔsuu mɛmɛan, kani i kenin nɔm sala sanga nɔmndo, cuavaa nɔmnda fulanin o lɛŋii yaamɔaa ndaa nin mà muungu.» Sɔɛi fula Mɛlɛka o sondo-e co ken ni.

1Samiɛl 24:20

Te vanndo komal pɛ yaamɔɔ ndɔɔ, vɛ̀ɛ̀ o mal ndu pá kɔnndan lende bɛɛn-bɛɛn? Kɛì-kɛì bɛɛ! Lelan màá Mɛlɛka sala nɔm le vanakɛndɛyɛi n tosa hau a ya-e!