Ruti 1:6 - BII BILA

⁶ Lɔ́ɔ́ Noemi tuei maa Mɛlɛka koma tosal vanaa ndɔa, Israɛlla, dɛnɛ kɛndɔɔ mó ke nda baloo-o, mó bii nɛiyo nda laandaa poaa ndɔa, le faŋanndo o lɛŋnde Moab len nin le muungoo.

Ruti 1:6 Referans Kwoze

Condii lisai 132:15

I peinin kobio ho a baloo, vanaa bala fondoa co lenin-nda vanin ɲɛdiaa pumndo.

Condii lisai 111:5

O co vanaa nɔ siòòŋii ndɔɛi-ya baloo keo, o co loonɔnndo a kpema ndɔɔ o kɔɔ lɔ́ɔ́-lɔ́ɔ̀.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Luke 19:44

À co kobi niaa tɛɛmbuu a vana-vana co lenin, hali powvo pilɛ a mɛinin o pow celen coo le, kani la sina tuma Hala hin o niaa lo le niaa malaa-o le.»

Luke 1:68

«Biiloo co le Mɛlɛka, Hala Israɛlla pɛɛn, kani o mala vanaa ndɔa, mó baŋa nda.

Matie 6:11

Yɔngu naa n diaa lepalaa-lepala-o le paalen nden hau.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Esai 55:10

Piɔɔ a mɛmma n'kpungban ma cɛn pɛ coocoo mi ma tol, ma muungu fúú le fɔ mi ma pɔɔliaa lɛŋnden, mi ma yɔwviaa len, mi ma tosa mi tɔlɔɔlan la vil lecoo. Fɔ mi ma yɔngu vana saŋaa kɔmnde ɲɛ o saŋ-ndo, mi ma yɔngu vana co dioo-o ɲɛdiaa.

Sofoni 2:7

Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»

Condii lisai 146:7

O co vanaa co o sangaa nin-nda dɛnɛ sandaa tosallo, mo va vanaa yiyan ma co nɛiyo-a baloo keo. O co vanaa co o kaasoo-a hɔ́ɔ́yɛi yɔngoo.

Condii lisai 145:15

Nda kpow a co nɔm tofaa, a co nɔm cumndo ma ke nda baloo o telen bɛnda-o.

1Samiɛl 2:21

Mí Mɛlɛka yiyan Anɛɛ coo, mó vialu vɛlɛ poaa nda yáá, a cuavaa laandua nda ŋiɔn. O telen kon bɛngu, Samiɛl va hindɔɔ o baala Mɛlɛka-o nin.

O Kandɔɔ 50:25

O kon, mí Yosɛf mɛnalan Israɛlla, mó dimul nda aa: «Te Hala sɔɔnguu niaa pɛ ikɛi, mò soli niaa nanu, la va pɛ kɔlan, la kɔɛ a paala nilan o ba.»

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

O Kandɔɔ 28:20

O kon, mó cua ciɛɔ́n o Mɛlɛka lo, mó dimi aa: «Te Hala lo pɛ ya ikɛi, te o kanda ya pɛ o kela ya co hoo-o nin, mò yɔngu ya ɲɛdiaa a ɲɛ cuɛinanndo,

O Kandɔɔ 21:1

Mí Mɛlɛka yiyan Sara coo mɛɛ ndu pila ndóò dimi yɛ, mó peelu kpema o yiilu ndu-o.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

1Timote 6:8

Kɛ te n nɔ pɛ baloo a volɔɔla cuɛinanndan, kon tiw.

Condii lisai 147:14

O co lɛŋnde niaalen kɔlɲuloo yɔngoo, mo va niaa baloo yɔngoo taw.

Talelan 30:8

Yɔɔ vanafondoyɛi a sɔɔn lacòòvan ya levil. Ke ya bolofaa bɛndu le, siinguu ya vɛlɛ vana bala fondo le. Ke ya mɛɛ o bɛndà le kpekula nilan toosiaa yɛ daama.

Ruti 1:5

Mí Malɔn nda Kilyon bɛɛ a vunnun. Mí Noemi lonnun niko doolɛ o vìí pɔnɔɔ nin a o vìí poaa ndɔa ŋiɔnda nin.

Ruti 1:7

Má can latulu nɛɛ nda va icali-a le muungoo o tàndá Yuda-o nin.

Condii lisai 102:14

Ɲííye biinin nɔm a vannda Siɔn, kani telenndo co hoo ni, le nda kɛndɛi tosallo, a toɲa, telenndo tiiya.

Yɔɛl 2:19

O mulul nda mó dimi aa: ‹I co niaa maalon, mɔiyan a cuɛima ɲuluan yɔngu taw. La dianin mì la pim ca. I tuisi lɛnin niaa lasiɛmbu vanaa súúla celennda o hɔl te.