Ruti 1:3 - BII BILA

³ Kɛ mí Elimelɛk pɔnɔɔ Noemi vu, mó mɛi ndu a poaa ndɔa ŋiɔnda o labɛngunin.

Ruti 1:3 Referans Kwoze

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Hebreea 12:6

Kani vànà Mɛlɛka kaola-o, ndu o saangiaa le dɛnɛ vɔɔn ndɔɔ ni, cuavaa ndɔa o lɔaa a sionnden ni.»

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

Ruti 1:2

Elimelɛk langbanɔ kon ndóò nɔ diolan ni, laa ndɔ diolan Noemi, poaa ndaa ŋiɔnda o pilɛ diolan aa Malɔn, o pilɔɔ aa Kilyon. Efratiia nda va ni, fulaa o sɔndɔkɔlɔɔ Bɛtlɛhɛm o tàndá Yuda-o nin. Mɛɛ nda tiiya o lɛŋnde Moab len nin, má cal lon.

Ruti 1:4

Mí poaa ndɔa ŋiɔŋaa kan yil vanlaandua Moabua o nɔ̀lan, o pilɛ diolan aa Ɔrpa, o pilɔɔ Ruti. Má cii lon le vɔsilan tɔ́.